Qazaqstandyq mánerlep syrǵanaýshy Mıhaıl Shaıdorov 2025 jyly Bostonda ótken álem chempıonatynda kúmis júlde ıelendi, dep habarlaıdy «Adyrna» ulttyq portaly.
Jarystyń sońǵy baǵdarlamasy – erkin baǵdarlamada erler arasyndaǵy jeke syrǵanaýshylar óner kórsetti. Qysqa baǵdarlamadan keıin Shaıdorov úshinshi orynda turdy, al ekinshi jarys kúniniń qorytyndysy boıynsha óz nátıjesin jaqsartyp, joǵary kóterildi.
Erkin baǵdarlamada qazaqstandyq sportshy 192,70 upaı jınap, bul onyń jeke rekordy boldy. Sondaı-aq, jalpy eseptegi kórsetkishin jańartyp, 287,47 upaıǵa qol jetkizdi.
Bul nátıje 20 jastaǵy Shaıdorovqa álem chempıonatynda alǵash ret kúmis medal jeńip alýǵa múmkindik berdi. Ol tek amerıkalyq Ilıa Malınınge (318,56) jol berdi. Úshinshi oryndy japonııalyq Iýma Kagııama (278,19) ıelendi.
Osy jetistiginiń arqasynda Shaıdorov 2026 jylǵy qysqy Olımpıadaǵa joldama aldy. Buǵan deıin lıenzııany áıelder arasyndaǵy jarysta 14-oryn alǵan Sofıa Samodelkına da ıelengen bolatyn.
Shaıdorov álem chempıonatynyń tuǵyrynan kóringen Qazaqstan tarıhyndaǵy úshinshi mánerlep syrǵanaýshy atandy. Buǵan deıin bul jetistikke Denıs Ten (2013 jyly kúmis, 2015 jyly qola) jáne Elızabet Tursynbaeva (2019 jyly kúmis) jetken edi.
