Aralaý barysynda aldymen «Qaınar-AKB» JShS ónerkásiptik akkýmýlıatorlar shyǵaratyn jańa zaýytta boldy. Qazirgi kezde kásiporynda jabdyqtardy montajdaý júrgizilýde, munan keıin iske qosý jumystary bastalady. Kásiporyndy bıylǵy II toqsanynyń ortasynda iske qosý josparlansa, al tolyq qýatyna kelesi jyly shyǵady dep mejelenip otyr.
Kásiporynnyń bas dırektory Erbol Ájmaǵambetovtyń aıtýynsha, birinshi kezeń iske qosylǵannan keıin zaýyttyń qýattylyǵy jylyna 100 myń ónerkásiptik akkýmýlıator shyǵarýǵa jetedi. Qazir 150 turaqty jumys orny qurylǵan, keleshekte jumys oryndarynyń sanyn 300-ge deıin ulǵaıtpaq. Búgingi kúni 10 mlrd. teńge ınvestıııa tartyldy jáne kásipker munymen shektelip qalmaıtynyn aıtady. Kásiporyn eksportqa baǵdarlanǵan. Sondyqtan ónimder tek otandyq naryqqa ǵana emes, Ózbekstan, Túrikmenstan, Qyrǵyz, Ázirbaıjan, Reseıge de jetkizilmekshi. Tolyq qýatyna shyqqan kezde zaýytta jylyna 200 myńnan astam ónerkásip akkýmýlıatory óndiriledi.
Jaqyn arada oblys ortalyǵynda taǵy bir jańa zaýyt jumysyn bastaıdy. Bul - «Taldyqorǵan» ındýstrııalyq aımaǵynyń aýmaǵynda avtoklavty qataıtatyn gazbeton bloktaryn shyǵaratyn kásiporyn. Óndiristik qýaty – jylyna 150 myń m3. Mamyrdyń aıaǵy men maýsymnyń basynda iske qosylady dep josparlanǵan.
- Qaraýsyz qalǵan ǵımaratty óz jeke qarajatymyzǵa satyp alyp, tıisti rekonstrýkııa júrgizdik, qazir qajetti jabdyqtar ornatylýda. Óńirde kirpishtiń osy túrlerin óndiretin kásiporyn joq. Biz jergilikti shıkizatty qoldanamyz. Negizinen daıyn ónimdi oblys aýmaǵynda satamyz dep josparlap otyrmyz. Zaýyt ǵımaratynan basqa keńsemiz, qyzmetkerlerge arnalǵan ashanasy bar jataqhanamyz bar. Qazir 30 adam jumys isteıdi. Zaýyt iske qosylǵannan keıin jumys oryndarynyń sany 70-ke deıin ulǵaıtamyz. Jalaqyǵa kelsek, kásiporynda jumysshylar aıyna 300-350 myń teńge, al bas energetık 1 mln.teńgege deıin jalaqy alady. Jalpy,bul jobaǵa óz qarajatymyzdan shamamen 3 mlrd. teńge ınvestıııa saldyq. Bolashaqta memleket tarapynan qoldaý bolsa, qurylysqa qajetti qurǵaq qospalar men emýlsııa shyǵaratyn zaýyt ashý jospary bar. Ónim túrleri naryq talaptaryna baılanysty bolady, - dedi óndiristi damytýdyń josparlarymen tanystyrǵan «Stalbeton» JShS kommerııalyq dırektory Dınara Orynbasar.
Oblys ákimi atap ótkendeı, memleket tarapynan tıisti kómek retinde zaýyt ǵımaratyna deıin ınjenerlik ınfraqurylymdy júrgizý máselesinde qoldaý kórsetiletin bolady. Sondaı-aq kásipkerlikti qoldaý baǵdarlamalarynyń birin, sonyń ishinde jeńildetilgen nesıeleýdi paıdalaný múmkindigi bar.
Beıbit Isabaev kásiporyndardy aralaý barysynda elektr qýaty 84 MVt jáne jylý qýaty 59 Gkal/saǵ bolatyn «Basqýat» qazandyǵy bazasynda bý-gaz stanııasyn salý jobasynyń iske asyrylýymen tanysty. Bul strategııalyq mańyzdy joba Taldyqorǵan qalasy turaqty ósip kele jatqandyqtan, qaladaǵy jylý men elektr energııalaryn tolyqtyrýǵa baǵyttalǵan. Mysaly, bıyldyń ózinde qalada kópqabatty 27 úı salynady.
«Basqýat Energoprom» JShS bas dırektory Arman Otarbaevtyń aıtýynsha, joba birneshe kezeńde júzege asyrylady. Birinshi kezeń 35 MVt elektr qýatyna jáne 26 Gkal/saǵ jylý qýatyna eseptelgen. Bul rette II kezeńdi 2027 jyldyń qańtar aıynyń basynda aıaqtaý josparlanyp otyr. Sondaı-aq gazben jabdyqtaýǵa jáne «Basqýat» qazandyǵynyń jylý jelilerine qosylýǵa tehnıkalyq sharttar berildi. Jylý trassasyn tóseý jumystary bir aıdan keıin bastalyp, qarasha aıynyń basynda aıaqtalady.
– Bizdiń basty mindetimiz - jylý men elektr energııasyn tolyqtyra otyryp, «Basqýat» qazandyǵynyń júktemesin azaıtý. Sóıtip oblys ortalyǵyndaǵy jylýmen jabdyqtaý júıesiniń beriktigin qamtamasyz etemiz. Joba bizdiń kompanııanyń jeke ınvestıııasy esebinen júrgizilip jatyr, - dedi A.Otarbaev.
Aıta keteıik, búgingi tańda jobanyń I kezeńi aıasynda josparlanǵan jumystardyń 65% oryndalǵan.
Jalpy Jetisý oblysynda 565 ónerkásip orny jumys isteıdi, onyń 14-i iri, 11-i orta kásiporyn. Ónerkásip óndirisiniń kólemi 2025 jylǵy qańtar-aqpan aılarynda 54,5 mlrd. teńgeni qurady, NKI – 120,9%. Bul rette óńir ónerkásibi kólemindegi óńdeý kásiporyndarynyń úlesi 68,2% quraıdy, onyń ishinde tamaq, sýsyndar óndirisi, mashına jasaý jáne jeńil ónerkásip bar.
