2025 jyldyń naýryz aıynda ótken aqyly bilim alýǵa arnalǵan UBT-da úsh oqýshy eń joǵary140 ball jınap, úzdik nátıje kórsetti.
Eńbekshiqazaq aýdanynyń Tolqyn orta mektebiniń 11 synyp oqýshysy Sanjar Qýandyq – testileýden eń joǵary ball jınaǵan alǵashqylardyń biri. Sanjar qazaq tili men ádebıeti pánderin tańdaǵan. Almaty qalasyndaǵy №126 mamandandyrylǵan lıeıiniń jáne «Tarıh mektebi» onlaın daıyndyq ortalyǵynyń 11-synyp oqýshysy Janbolat Sársenbaı da eń joǵary 140 ball jınady. JUZ40 kýrsynyń túlegi, astanalyq túlek Aıagóz Aqanovada 140 ball jınap, úzdik nátıje kórsetti. UBT-da múmkin bolǵan eń joǵary ball jınaý úshin ne isteý kerek? Jas túlekter oqıǵamen bólisti.
SANJAR QÝANDYQ
– UBT-ǵa daıyndyqty qashan bastadyńyz?
– JUZ40 kýrsyna kelmes buryn meniń bazalyq bilimim qazaq tili men ádebıeti boıynsha jaqsy boldy. Sondyqtan bul pánderdi tańdaýdy sheshtim. Alǵashqy irikteý testinde 88 ball jınadym, sodan keıin júıeli daıyndyqqa kiristim.
– Daıyndyq barysynda kúnine qansha ýaqyt oqydyńyz?
– Kúnde 9 saǵat uıyqtadym. Teorııalyq testterdi taldaıtyn kúnderi tańǵy 7:00-den túski 12:00-ge deıin sabaq oqydym. 15:00-ten 18:30-ǵa deıin sabaqqa qatystym. Úıim alys bolǵandyqtan, kesh qaıtyp, birden uıyqtap qalatynmyn. Basqa kúnderi túski ýaqytta 1 saǵat demalyp, sodan keıin toqtamaı sabaq oqydym. Sebebi 4 baspanynyń kitaptaryn oqý qıyn, al qazaq tili men ádebıetine kóp ýaqyt bólý kerek.
– Qandaı pánder qıyndyq týǵyzdy?
– Maǵan eń qıyn bolǵany – qazaq ádebıeti men tarıh. Bul pánderde qınalǵan sebebim – mektepte basqa baǵdarlama boıynsha oqydyq. Al UBT sertıfıkaııasyndaǵy suraqtar basqasha boldy. Ádebıette eń qıyny – avtorlar, shyǵarmalar, tarıhı kezeńder, datalar sııaqty aqparattardy este saqtaý.
– Qobaljý boldy ma?
– Bir aı boıy ózimdi 140 ball alatynyma sendirýge tyrystym. Kún saıyn osyny oılap, jospar quryp, áreket jasadym. Sonyń arqasynda UBT kezinde qobaljý bolǵan joq.
– UBT kezinde qandaı sezimde boldyńyz?
– Kúlip kirdim. Sebebi ózimniń 139 ball jınaıtynyma senimdi boldym. Tek sońǵy bir suraq 1 balldy sheshetin sátte 40 mınýt oılandym. Testti aıaqtaý batyrmasyn basar kezde qatty qobaljydym. Qol-aıaǵym dirildep, betimdi jýyp keldim. «Aıaqtaý» degen belgisheni basqanymda, 140 balldy kórgen sáttegi sezimdi aıtyp jetkizý qıyn.
– Bolashaqtaǵy josparyńyz qandaı?
– Qazaq tili men ádebıeti pániniń muǵalimi bolǵym keledi. Aldaǵy ýaqytta Abaı atyndaǵy Qazaq ulttyq pedagogıkalyq ýnıversıtetine oqýǵa túsý josparymda bar.
– UBT-ǵa daıyndalyp júrgenderge qandaı keńes beresiz?
– Eń bastysy – júıeli daıyndyq. Qıyn pánderden qashpaý kerek, kerisinshe solarǵa kóbirek kóńil bólý kerek. Motıvaııa – ýaqytsha nárse, bastysy – tártip. Eger naqty maqsat qoısań, jetistikke jetýge bolady.
JANBOLAT SÁRSENBAI
– Janbolat, aldaǵy ýaqytta qaıda oqýǵa túskińiz keledi?
– 2025 jyldyń naýryz aıynda dúnıejúzi tarıhy men aǵylshyn tili boıynsha UBT-dan 140 ball jınadym. Qazir kózdep otyrǵan oqý oryndarym – Maqsut Nárikbaev atyndaǵy Qazaq gýmanıtarlyq zań ýnıversıteti jáne Súleımen Demırel ýnıversıteti.
– UBT-ǵa daıyndyqty qashan bastadyńyz?
– 10 synyptan bastap UBT-ǵa daıyndala bastadym. Aǵylshyn tiline erekshe kóńil bóldim, sebebi bul pán boıynsha deńgeıim tómen boldy. Sonymen qatar, IELTS tapsyrý mindetti boldy. Sondyqtan búkil 10 synyp boıy osy emtıhanǵa daıyndaldym. Jazda 6.5 ball jınadym.
– Qandaı pán qıynǵa soqty?
– Maǵan eń qıyny – dúnıejúzi tarıhy boldy. Sebebi bul pánde óte kóp aqparat bar. Búkil kitaptardy qamtyp, arnaıy UBT suraqtary jınaqtalǵan materıaldardy oqýym qajet boldy. Bul men úshin óte aýyr boldy, biraq barymdy salyp daıyndaldym.
– Daıyndyq kesteńiz qalaı boldy?
– Ár pánge 2-3 saǵattaı ýaqyt bóldim, al dúnıejúzi tarıhyna kún saıyn 6-7 saǵat arnadym.
– UBT-ǵa daıyndyq barysynda basty ustanym qandaı boldy?
– Eń bastysy – tártip. Aldyma maqsat qoıdym jáne sol maqsattyń jeńisin kórgenshe tártippen júrdim. Ýaqytty tıimdi paıdalaný úshin naqty jospar qurý kerek dep oılaımyn. Men ár kúnimdi «nusqa taldaımyn, kitaptyń osynsha betin oqımyn» dep arnaıy jazyp júrdim.
Demalys ta óte qajet. Eger adamǵa artyq júkteme tússe, ol kerisinshe, depressııaǵa túsip ketýi múmkin. Sondyqtan demalysty da durys josparlaý kerek.
- Suhbatyńyzǵa raqmet! Aldaǵy Biryńǵaı grant testileýine sáttilik tileımiz!
Symbat Naýhan
«Adyrna» ulttyq portaly
