2025 jyldyŋ nauryz aiynda ötken aqyly bılım aluǧa arnalǧan ŪBT-da üş oquşy eŋ joǧary140 ball jinap, üzdık nätije körsettı.
Eŋbekşıqazaq audanynyŋ Tolqyn orta mektebınıŋ 11 synyp oquşysy Sanjar Quandyq – testıleuden eŋ joǧary ball jinaǧan alǧaşqylardyŋ bırı. Sanjar qazaq tılı men ädebietı pänderın taŋdaǧan. Almaty qalasyndaǧy №126 mamandandyrylǧan liseiınıŋ jäne «Tarih mektebı» onlain daiyndyq ortalyǧynyŋ 11-synyp oquşysy Janbolat Särsenbai da eŋ joǧary 140 ball jinady. JUZ40 kursynyŋ tülegı, astanalyq tülek Aiagöz Aqanovada 140 ball jinap, üzdık nätije körsettı. ŪBT-da mümkın bolǧan eŋ joǧary ball jinau üşın ne ısteu kerek? Jas tülekter oqiǧamen bölıstı.
SANJAR QUANDYQ
– ŪBT-ǧa daiyndyqty qaşan bastadyŋyz?
– JUZ40 kursyna kelmes būryn menıŋ bazalyq bılımım qazaq tılı men ädebietı boiynşa jaqsy boldy. Sondyqtan būl pänderdı taŋdaudy şeştım. Alǧaşqy ırıkteu testınde 88 ball jinadym, sodan keiın jüielı daiyndyqqa kırıstım.
– Daiyndyq barysynda künıne qanşa uaqyt oqydyŋyz?
– Künde 9 saǧat ūiyqtadym. Teoriialyq testterdı taldaityn künderı taŋǧy 7:00-den tüskı 12:00-ge deiın sabaq oqydym. 15:00-ten 18:30-ǧa deiın sabaqqa qatystym. Üiım alys bolǧandyqtan, keş qaityp, bırden ūiyqtap qalatynmyn. Basqa künderı tüskı uaqytta 1 saǧat demalyp, sodan keiın toqtamai sabaq oqydym. Sebebı 4 baspanynyŋ kıtaptaryn oqu qiyn, al qazaq tılı men ädebietıne köp uaqyt bölu kerek.
– Qandai pänder qiyndyq tuǧyzdy?
– Maǧan eŋ qiyn bolǧany – qazaq ädebietı men tarih. Būl pänderde qinalǧan sebebım – mektepte basqa baǧdarlama boiynşa oqydyq. Al ŪBT sertifikasiiasyndaǧy sūraqtar basqaşa boldy. Ädebiette eŋ qiyny – avtorlar, şyǧarmalar, tarihi kezeŋder, datalar siiaqty aqparattardy este saqtau.
– Qobalju boldy ma?
– Bır ai boiy özımdı 140 ball alatynyma sendıruge tyrystym. Kün saiyn osyny oilap, jospar qūryp, äreket jasadym. Sonyŋ arqasynda ŪBT kezınde qobalju bolǧan joq.
– ŪBT kezınde qandai sezımde boldyŋyz?
– Külıp kırdım. Sebebı özımnıŋ 139 ball jinaitynyma senımdı boldym. Tek soŋǧy bır sūraq 1 balldy şeşetın sätte 40 minut oilandym. Testtı aiaqtau batyrmasyn basar kezde qatty qobaljydym. Qol-aiaǧym dırıldep, betımdı juyp keldım. «Aiaqtau» degen belgışenı basqanymda, 140 balldy körgen sättegı sezımdı aityp jetkızu qiyn.
– Bolaşaqtaǧy josparyŋyz qandai?
– Qazaq tılı men ädebietı pänınıŋ mūǧalımı bolǧym keledı. Aldaǧy uaqytta Abai atyndaǧy Qazaq ūlttyq pedagogikalyq universitetıne oquǧa tüsu josparymda bar.
– ŪBT-ǧa daiyndalyp jürgenderge qandai keŋes beresız?
– Eŋ bastysy – jüielı daiyndyq. Qiyn pänderden qaşpau kerek, kerısınşe solarǧa köbırek köŋıl bölu kerek. Motivasiia – uaqytşa närse, bastysy – tärtıp. Eger naqty maqsat qoisaŋ, jetıstıkke jetuge bolady.
JANBOLAT SÄRSENBAI
– Janbolat, aldaǧy uaqytta qaida oquǧa tüskıŋız keledı?
– 2025 jyldyŋ nauryz aiynda düniejüzı tarihy men aǧylşyn tılı boiynşa ŪBT-dan 140 ball jinadym. Qazır közdep otyrǧan oqu oryndarym – Maqsūt Närıkbaev atyndaǧy Qazaq gumanitarlyq zaŋ universitetı jäne Süleimen Demirel universitetı.
– ŪBT-ǧa daiyndyqty qaşan bastadyŋyz?
– 10 synyptan bastap ŪBT-ǧa daiyndala bastadym. Aǧylşyn tılıne erekşe köŋıl böldım, sebebı būl pän boiynşa deŋgeiım tömen boldy. Sonymen qatar, IELTS tapsyru mındettı boldy. Sondyqtan bükıl 10 synyp boiy osy emtihanǧa daiyndaldym. Jazda 6.5 ball jinadym.
– Qandai pän qiynǧa soqty?
– Maǧan eŋ qiyny – düniejüzı tarihy boldy. Sebebı būl pände öte köp aqparat bar. Bükıl kıtaptardy qamtyp, arnaiy ŪBT sūraqtary jinaqtalǧan materialdardy oquym qajet boldy. Būl men üşın öte auyr boldy, bıraq barymdy salyp daiyndaldym.
– Daiyndyq kesteŋız qalai boldy?
– Är pänge 2-3 saǧattai uaqyt böldım, al düniejüzı tarihyna kün saiyn 6-7 saǧat arnadym.
– ŪBT-ǧa daiyndyq barysynda basty ūstanym qandai boldy?
– Eŋ bastysy – tärtıp. Aldyma maqsat qoidym jäne sol maqsattyŋ jeŋısın körgenşe tärtıppen jürdım. Uaqytty tiımdı paidalanu üşın naqty jospar qūru kerek dep oilaimyn. Men är künımdı «nūsqa taldaimyn, kıtaptyŋ osynşa betın oqimyn» dep arnaiy jazyp jürdım.
Demalys ta öte qajet. Eger adamǧa artyq jükteme tüsse, ol kerısınşe, depressiiaǧa tüsıp ketuı mümkın. Sondyqtan demalysty da dūrys josparlau kerek.
- Sūhbatyŋyzǧa raqmet! Aldaǧy Bıryŋǧai grant testıleuıne sättılık tıleimız!
Symbat Nauhan
«Adyrna» ūlttyq portaly
