Bıyl UBT boıynsha ortasha kórsetkish alpys alty ball boldy. Bul týraly Ulttyq testileý ortalyǵynyń dırektory Rýslan Emelbaev málimdedi, dep habarlaıdy “Adyrna” ulttyq portaly.
Onyń aıtýynsha, 154 myń talapker eki múmkindikti eseptegende UBT-ny 276 myń ret test tapsyrǵan.
Testileý qorytyndysy boıynsha 103 myńnan astam talapker shekti ball jınady, bul qatysýshylardyń jalpy sanynyń 67%-i. Ótken jylmen salystyrǵanda bul kórsetkish 7%-ke joǵary. Testilenýshilerdiń 51 myńǵa jýyǵy (33%-i) shekti ball jınaı almady.
"UBT boıynsha ortasha ball 66 upaıdy qurady. Bıyl eń joǵary ball – 139. 3179 oqýǵa túsýshi 120 baldan joǵary jınady", - dedi Emelbaev.
Ortalyq dırektory bıyl UBT-ǵa tyıym salynǵan zattardy kirgizý jáne UBT erejelerin buzý sany birshama azaıǵanyn erekshe atap ótti.
”Adyrna” ulttyq portaly
