Túrkistan oblysynda bilim berý qyzmetkerleri 2 mlrd teńgeni jymqyrdy dep kúdiktelip otyr. Bul týraly Antıkordyń baspasóz qyzmeti aıtty, dep habarlaıdy «Adyrna» tilshisi.
Túrkistan oblysy boıynsha Sybaılas jemqorlyqqa qarsy qyzmet Shardara jáne Saryaǵash aýdandarynyń bilim bólimderiniń býhgalterlerine qatysty sotqa deıingi tergeý júrgizýde.
«Atalǵan tulǵalar bıýdjet qarajatyn asa iri kólemde júıeli negizde jymqyrdy dep kúdiktelýde. Tergeý málimetteri boıynsha, kúdiktiler 2020-2023 jyldar aralyǵynda bilim berý salasynda jumys istemeıtin tulǵalardyń shottaryna aqsha qarajatyn aýdarý, sondaı-aq mektep qyzmetkerlerine joǵary jalaqy esepteý arqyly shamamen 2,6 mlrd teńge soma jymqyrǵan»,—delingen habarlamada.
Antıkordyń málimetinshe, qazirgi ýaqytta Túrkistan oblysynyń bilim berý salasynan 17 adam qylmystyq jaýapkershilikke tartylýda, olardyń 4-i qamaýǵa alyndy.
Zalaldy óteý maqsatynda 39 jyljymaıtyn múlik, 44 avtomashına, zergerlik buıymdar jáne qylmystyq ister boıynsha aıyptalýshylardyń aqshalaı qarajattary buǵattaldy.
Qylmystyq-proestik kodeksiniń 201-babyna sáıkes ózge aqparat jarııa etýge jatpaıdy.
