Türkıstan oblysynda bılım beru qyzmetkerlerı 2 mlrd teŋgenı jymqyrdy dep küdıktelıp otyr. Būl turaly Antikordyŋ baspasöz qyzmetı aitty, dep habarlaidy «Adyrna» tılşısı.
Türkıstan oblysy boiynşa Sybailas jemqorlyqqa qarsy qyzmet Şardara jäne Saryaǧaş audandarynyŋ bılım bölımderınıŋ buhgalterlerıne qatysty sotqa deiıngı tergeu jürgızude.
«Atalǧan tūlǧalar biudjet qarajatyn asa ırı kölemde jüielı negızde jymqyrdy dep küdıktelude. Tergeu mälımetterı boiynşa, küdıktıler 2020-2023 jyldar aralyǧynda bılım beru salasynda jūmys ıstemeitın tūlǧalardyŋ şottaryna aqşa qarajatyn audaru, sondai-aq mektep qyzmetkerlerıne joǧary jalaqy esepteu arqyly şamamen 2,6 mlrd teŋge soma jymqyrǧan»,—delıngen habarlamada.Antikordyŋ mälımetınşe, qazırgı uaqytta Türkıstan oblysynyŋ bılım beru salasynan 17 adam qylmystyq jauapkerşılıkke tartyluda, olardyŋ 4-ı qamauǧa alyndy. Zalaldy öteu maqsatynda 39 jyljymaityn mülık, 44 avtomaşina, zergerlık būiymdar jäne qylmystyq ıster boiynşa aiyptaluşylardyŋ aqşalai qarajattary būǧattaldy. Qylmystyq-prosestık kodeksınıŋ 201-babyna säikes özge aqparat jariia etuge jatpaidy.
Ūqsas jaŋalyqtar
