Jambyl oblysynda jer silkinisinen 30-dan astam ǵımarat zardap shekti. Olardyń qatarynda áleýmettik nysandar men turǵyn úıler bar. Bul týraly Jambyl oblysy ákimdigi málimdedi, dep habarlaıdy “Adyrna” ulttyq portaly.
Aldyn ala málimet boıynsha, 28 naýryzda Merki jáne T.Rysqulov aýdandarynda ondaǵan ǵımarattyń búlingeni anyqtaldy.
Zaqymnyń shamamen úshten biri Merki aýdanyndaǵy qurylys nysandaryna keltirilgen. Aqerman, Merki, Surat aýyldaryndaǵy ortalyq aýdandyq aýrýhana men onyń medıınalyq pýnktteriniń ǵımarattarynyń qabyrǵalary zaqymdanǵan. Eki aýyldyq okrýgtegi dárigerlik ambýlatorııa men feldsherlik-akýsherlik pýnktterde jaryqtar anyqtaldy.Sondaı-aq Jańatoǵan kentindegi múmkindigi shekteýli balalarǵa arnalǵan ońaltý jáne beıimdeý ortalyǵy, balabaqsha, ashana jáne bir turǵyn úı zardap shekti.
T. Rysqulov aýdanynda 20-dan astam zaqymdalǵan ǵımarat anyqtaldy. Olardyń ishinde 10 áleýmettik obekt bar — 4 mektep, 3 balabaqsha, mádenıet úıi, medıınalyq pýnkter jáne sport kesheni, sondaı-aq 11 turǵyn úı.
Qazirgi ýaqytta qurban bolǵandar týraly habarlamalar túsken joq.
Aımaqtaǵy táýlik boıy jumys isteıtin «jedel jelige» 12 qońyraý kelip túsken. Turǵyndar dúmpýler qaıtalana ma dep qaýiptenedń, alaıda mamandar qaýiptiń seıilgenin málimdeýde.
Jambyl oblysyndaǵy ǵımarattardy tekserýge 120 adam men 73 arnaıy tehnıka jumyldyryldy. Komıssııa jumysy jalǵasýda, onyń quramyna QR TJM Seısmologııalyq monıtorıng ulttyq ǵylymı ortalyǵynyń ókilderi de kirgen.
“250 kelige jýyq ammıak saqtalǵan «Merki» irimshigi zaýytyndaǵy hımııalyq qaýipti nysanda eshqandaı zaqym anyqtalǵan joq. Zardap shekken aımaqta basqa bıologııalyq nemese radıaııalyq qaýipti obektiler joq. Tirshilikti qamtamasyz etýdiń barlyq nysandary, gaz tasymaldaý júıesi men qaýipti óndiristik nysandar qalypty rejımde jumys isteýde.
Jol ınfraqurylymy, temirjol jelileri, shahtalar men qazbalarda zaqymdar men buzylýlar anyqtalǵan joq», — dedi Jambyl oblysy ákiminiń orynbasary Qanatbek Mádıbek.
Sondaı-aq, ol T. Rysqulov aýdanynda mundaı kúshti jer silkinisi sońǵy ret 2003 jyly bolǵanyn, al Merken aýdanynda bul jaǵdaı 160 jyldan astam ýaqyt buryn bolǵanyn atap ótti.
Sonymen qatar, Qazaqstan Prezıdenti Qasym-Jomart Toqaev Jambyl oblysynyń ákimi Erbol Qarashókeev pen Tótenshe jaǵdaılar mınıstri Shyńǵys Árinovtiń óńirdegi jer silkinisinen keıingi ahýal boıynsha baıandamalaryn tyńdady.
“Memleket basshysy Premer-mınıstr Oljas Bektenovke áleýmettik nysandar men turǵyn úılerdi qalpyna keltirý jáne jóndeý jumystaryn júrgizý úshin qajetti kómek kórsetýdi tapsyrdy. Úkimet oblystaǵy ahýaldy baqylaýǵa aldy”, — delingen Aqordanyń baspasóz qyzmeti taratqan aqparatta.
Eske salsaq, búgin saǵat 16:00 shamasynda Jambyl oblysynda taǵy da jer silkindi.
Buǵan deıin óńirde alǵashqy jer silkinisi 03:42–de tirkelgeni belgili boldy. Eseptelgen qarqyndylyǵy Merki aýylynda — 5.0 ball, Qulan aýylynda — 4.0 ball.
Tótenshe jaǵdaıdan keıin, úkimettik jumys toby jaǵdaıdy saraptap, baǵalaý jáne shara qoldaný úshin Jambyl oblysyna jiberildi.
Eske salaıyq, búgin Mıanmads da 7,9 baldyq jer silkinisi tirkeldi.
