Jambyl oblysynda jer sılkınısınen 30-dan astam ǧimarat zardap şektı. Olardyŋ qatarynda äleumettık nysandar men tūrǧyn üiler bar. Būl turaly Jambyl oblysy äkımdıgı mälımdedı, dep habarlaidy “Adyrna” ūlttyq portaly.
Aldyn ala mälımet boiynşa, 28 nauryzda Merken jäne T.Rysqūlov audandarynda ondaǧan ǧimarattyŋ bülıngenı anyqtaldy.
Zaqymnyŋ şamamen üşten bırı Merken audanyndaǧy qūrylys nysandaryna keltırılgen. Aqerman, Merkı, Sūrat auyldaryndaǧy ortalyq audandyq auruhana men onyŋ medisinalyq punktterınıŋ ǧimarattarynyŋ qabyrǧalary zaqymdanǧan. Ekı auyldyq okrugtegı därıgerlık ambulatoriia men feldşerlık-akuşerlık punktterde jaryqtar anyqtaldy.Sondai-aq Jaŋatoǧan kentındegı mümkındıgı şekteulı balalarǧa arnalǧan oŋaltu jäne beiımdeu ortalyǧy, balabaqşa, ashana jäne bır tūrǧyn üi zardap şektı.
T. Rysqūlov audanynda 20-dan astam zaqymdalǧan ǧimarat anyqtaldy. Olardyŋ ışınde 10 äleumettık obekt bar — 4 mektep, 3 balabaqşa, mädeniet üiı, medisinalyq punkter jäne sport keşenı, sondai-aq 11 tūrǧyn üi.
Qazırgı uaqytta qūrban bolǧandar turaly habarlamalar tüsken joq.
Aimaqtaǧy täulık boiy jūmys ısteitın «jedel jelıge» 12 qoŋyrau kelıp tüsken. Tūrǧyndar dümpuler qaitalana ma dep qauıptenedŋ, alaida mamandar qauıptıŋ seiılgenın mälımdeude.
Jambyl oblysyndaǧy ǧimarattardy tekseruge 120 adam men 73 arnaiy tehnika jūmyldyryldy. Komissiia jūmysy jalǧasuda, onyŋ qūramyna QR TJM Seismologiialyq monitoring ūlttyq ǧylymi ortalyǧynyŋ ökılderı de kırgen.
“250 kelıge juyq ammiak saqtalǧan «Merken» ırımşıgı zauytyndaǧy himiialyq qauıptı nysanda eşqandai zaqym anyqtalǧan joq. Zardap şekken aimaqta basqa biologiialyq nemese radiasiialyq qauıptı obektıler joq. Tırşılıktı qamtamasyz etudıŋ barlyq nysandary, gaz tasymaldau jüiesı men qauıptı öndırıstık nysandar qalypty rejimde jūmys ısteude.
Jol infraqūrylymy, temırjol jelılerı, şahtalar men qazbalarda zaqymdar men būzylular anyqtalǧan joq», — dedı Jambyl oblysy äkımınıŋ orynbasary Qanatbek Mädibek.
Sondai-aq, ol T. Rysqūlov audanynda mūndai küştı jer sılkınısı soŋǧy ret 2003 jyly bolǧanyn, al Merken audanynda būl jaǧdai 160 jyldan astam uaqyt būryn bolǧanyn atap öttı.
Sonymen qatar, Qazaqstan Prezidentı Qasym-Jomart Toqaev Jambyl oblysynyŋ äkımı Erbol Qaraşökeev pen Tötenşe jaǧdailar ministrı Şyŋǧys Ärınovtıŋ öŋırdegı jer sılkınısınen keiıngı ahual boiynşa baiandamalaryn tyŋdady.
“Memleket basşysy Premer-ministr Oljas Bektenovke äleumettık nysandar men tūrǧyn üilerdı qalpyna keltıru jäne jöndeu jūmystaryn jürgızu üşın qajettı kömek körsetudı tapsyrdy. Ükımet oblystaǧy ahualdy baqylauǧa aldy”, — delıngen Aqordanyŋ baspasöz qyzmetı taratqan aqparatta.
Eske salsaq, bügın saǧat 16:00 şamasynda Jambyl oblysynda taǧy da jer sılkındı.
Būǧan deiın öŋırde alǧaşqy jer sılkınısı 03:42–de tırkelgenı belgılı boldy. Eseptelgen qarqyndylyǧy Merkı auylynda — 5.0 ball, Qūlan auylynda — 4.0 ball.
Tötenşe jaǧdaidan keiın, ükımettık jūmys toby jaǧdaidy saraptap, baǧalau jäne şara qoldanu üşın Jambyl oblysyna jıberıldı.
Eske salaiyq, bügın Mianmads da 7,9 baldyq jer sılkınısı tırkeldı.
