Memleket basşysy Qasym-Jomart Toqaea Euraziialyq damu bankınıŋ basqarma töraǧasy Nikolai Podguzovty qabyldady. Būl turaly Aqorda jazdy, dep habarlaidy “Adyrna” ūlttyq portaly.
Prezidentke halyqaralyq qarjy institutynyŋ jūmys nätijesı men aldaǧy jospary jönınde baiandaldy. Euraziialyq damu bankı (EADB) Qazaqstan ekonomikasyna byltyr 1,4 milliard dollar qarjy salǧan, al investisiia portfelındegı qazaqstandyq jobalardyŋ ülesı 60 paiyzǧa jetken.
Qazaqstan Respublikasy boiynşa 2022-2026 jyldarǧa arnalǧan strategiia aiasynda atalǧan bank elımızge 3,8 milliard dollar investisiia qūiudy josparlaǧan bolatyn. Qasym-Jomart Toqaevqa būl meje merzımınen būryn oryndalǧany turaly mälımet berıldı. Biyl bankke jalpy somasy 4,5 milliard dollardan asatyn jobalar ūsynyldy. Euraziialyq damu bankı energetikalyq nysandardy jaŋǧyrtu jäne jaŋartylatyn energiia közderın, kölık jäne logistika salalaryn damytu baǧyttaryna, sonyŋ ışınde respublikalyq maŋyzy bar joldardy jöndeuge, infraqūrylym nysandary qūrylysyna, önerkäsıp jäne sifrlyq tehnologiialarǧa qatysty jobalarǧa 1 milliard dollardan astam investisiia saludy közdep otyr.
Nikolai Podguzovtyŋ aituynşa, EADB serıktestermen jäne köpjaqty ūiymdarmen tyǧyz qarym-qatynasta jūmys ıstep, sondai-aq özderı ūiymdastyratyn halyqaralyq ıs-şaralar arqyly Qazaqstannyŋ qarjy naryǧyn damytu jäne investisiia tartu ısıne belsendı atsalysuǧa niettı.
Memleket basşysy banktıŋ Qazaqstan ekonomikasyn damytuǧa qosqan ülesın joǧary baǧalap, yntymaqtastyqty odan ärı nyǧaituǧa beiıl ekenın rastady.
Euraziialyq damu bankı – investisiialyq qyzmetın Euraziia keŋıstıgınde jürgızetın köpjaqty damu bankı. Onyŋ ştab-päterı Almaty qalasynda ornalasqan. 2025 jyly EADB portfelıne jalpy investisiia somasy 16,5 milliard dollar bolatyn 305 joba endı. Bank öz jūmysynda kölık infraqūrylymy, sifrlandyru, jasyl energetika, auyl şaruaşylyǧy, önerkäsıp jäne maşina jasau salalaryndaǧy integrasiiaǧa tiımdı äser etetın jobalarǧa basymdyq beredı.
