Memleket basshysy Qasym-Jomart Toqaea Eýrazııalyq damý bankiniń basqarma tóraǵasy Nıkolaı Podgýzovty qabyldady. Bul týraly Aqorda jazdy, dep habarlaıdy “Adyrna” ulttyq portaly.
Prezıdentke halyqaralyq qarjy ınstıtýtynyń jumys nátıjesi men aldaǵy jospary jóninde baıandaldy. Eýrazııalyq damý banki (EADB) Qazaqstan ekonomıkasyna byltyr 1,4 mıllıard dollar qarjy salǵan, al ınvestıııa portfelindegi qazaqstandyq jobalardyń úlesi 60 paıyzǵa jetken.
Qazaqstan Respýblıkasy boıynsha 2022-2026 jyldarǵa arnalǵan strategııa aıasynda atalǵan bank elimizge 3,8 mıllıard dollar ınvestıııa quıýdy josparlaǵan bolatyn. Qasym-Jomart Toqaevqa bul meje merziminen buryn oryndalǵany týraly málimet berildi. Bıyl bankke jalpy somasy 4,5 mıllıard dollardan asatyn jobalar usynyldy. Eýrazııalyq damý banki energetıkalyq nysandardy jańǵyrtý jáne jańartylatyn energııa kózderin, kólik jáne logıstıka salalaryn damytý baǵyttaryna, sonyń ishinde respýblıkalyq mańyzy bar joldardy jóndeýge, ınfraqurylym nysandary qurylysyna, ónerkásip jáne ıfrlyq tehnologııalarǵa qatysty jobalarǵa 1 mıllıard dollardan astam ınvestıııa salýdy kózdep otyr.
Nıkolaı Podgýzovtyń aıtýynsha, EADB seriktestermen jáne kópjaqty uıymdarmen tyǵyz qarym-qatynasta jumys istep, sondaı-aq ózderi uıymdastyratyn halyqaralyq is-sharalar arqyly Qazaqstannyń qarjy naryǵyn damytý jáne ınvestıııa tartý isine belsendi atsalysýǵa nıetti.
Memleket basshysy banktiń Qazaqstan ekonomıkasyn damytýǵa qosqan úlesin joǵary baǵalap, yntymaqtastyqty odan ári nyǵaıtýǵa beıil ekenin rastady.
Eýrazııalyq damý banki – ınvestıııalyq qyzmetin Eýrazııa keńistiginde júrgizetin kópjaqty damý banki. Onyń shtab-páteri Almaty qalasynda ornalasqan. 2025 jyly EADB portfeline jalpy ınvestıııa somasy 16,5 mıllıard dollar bolatyn 305 joba endi. Bank óz jumysynda kólik ınfraqurylymy, ıfrlandyrý, jasyl energetıka, aýyl sharýashylyǵy, ónerkásip jáne mashına jasaý salalaryndaǵy ıntegraııaǵa tıimdi áser etetin jobalarǵa basymdyq beredi.
