Almaty mańynda 2021 jyly apatqa ushyraǵan Ulttyq qaýipsizdik komıtetiniń (UQK) AN-26 ushaǵy metall synyǵy retinde satyldy, dep habarlaıdy "Adyrna" ulttyq portaly.
e-qazyna.kz veb-portalynda jarııalanǵan málimetterge sáıkes, ushaqtyń qırandylaryn satyp alýǵa qatysý úshin 810 897 teńge kepildik jarna tóleý qajet bolǵan. Bastapqy baǵasy 1 351 494,75 teńge dep belgilengen áýe kemesi saýda-sattyq barysynda 1 416 200 teńgege satylǵan.
"Lot tórtinshi ret jarııalanǵan kezde ǵana satyldy. UQK usynysy boıynsha metall synyqtary Ónerkásip jáne qurylys mınıstriniń buıryǵymen baǵalanyp, satylatyn nysandar tizimine engizildi", – dep málimdedi ushaq synyqtaryn satylymǵa shyǵarǵan "Qazarnaýlyeksport" kásiporny.
Eske sala keteıik, 2021 jyldyń 13 naýryzynda Astana Almatyǵa baǵyt alǵan AN-26 áskerı ushaǵy qoný kezinde apatqa ushyraǵan bolatyn. Bul oqıǵada tórt ekıpaj múshesi qaza taýyp, eki adam aýyr jaraqat alǵan.
