Almatyda qala tūrǧyndaryna şabuyl jasap, mazasyn alǧan jasöspırımder ūstaldy, dep habarlaidy "Adyrna".
Jas būzaqylar Täjıkstan azamaty ekenı anyqtaldy. Endı olar elden şyǧarylmaq.
Polisiia departamentı baspasöz qyzmetı mälımetınşe, balalardyŋ agressivtı ärı öreskel mınez-qūlqy tüsırılgen video äleumettık jelıde taraǧannan keiın Medeu men Almaly audandyq polisiia basqarmalary tekseru jūmystaryn bastaǧan.
"Kämeletke tolmaǧandar anyqtalyp, aumaqtyq polisiia bölımşelerıne jetkızıldı. Jasöspırımderdıŋ Täjıkstan azamattary ekenı belgılı boldy. Barlyǧy Kämeletke tolmaǧandardy beiımdeu ortalyǧyna ornalastyrylyp, olarmen profilaktikalyq jūmystar jürgızılıp jatyr", - dep habarlady polisiia.
Jasöspırımderdıŋ zaŋdy ökılderı bala tärbieleu jönındegı mındetterın tiısınşe oryndamaǧany üşın äkımşılık jauapkerşılıkke tartylǧan.
"Būl adamdarǧa qatysty Qazaqstannyŋ köşı-qon zaŋnamasy aiasynda olardy el aumaǧynan şyǧarudy qarastyratyn şaralar qabyldanyp jatyr. Qazırgı uaqytta ärbır derek boiynşa tekseru jürgızılıp jatyr, onyŋ qorytyndysy boiynşa kämeletke tolmaǧandardyŋ ıs-äreketıne qūqyqtyq baǧa berıledı", - dedı PD ökılderı.
Eske salsaq, keşe jelıde Almatydaǧy jasöspırımderdıŋ oǧaş mınez-qūlqyna qatysty şaǧymdar jazylǧan video taraǧan bolatyn. Qala tūrǧyndarynyŋ aituynşa, balalar dämhana keluşılerıne jaqyndap, aqşa talap etken, al bas tartqandarǧa ses körsetıp, tas pen oryndyq laqtyrǧan.
