Belgılı sportşy, Mäjılıs deputaty Däulet Tūrlyhanov Aziia küres federasiiasy (UWW Azia) prezidenttıgınen kettı, dep habarlaidy “Adyrna” ūlttyq portaly.
İordaniia astanasy Amman qalasynda ötken federasiianyŋ bas assambleiasynda atalǧan qyzmetke jaŋa basşy taǧaiyndaldy. Endı būl mındettı iordaniialyq Mohammed Äl-Avamala atqaratyn boldy. Ol 38 dauystyŋ 34-ın jinady. Endı iordaniialyq maman būl ūiymdy 2028 jylǧa deiın basqarady.
Aita ketsek, Däulet Tūrlyhanov atalǧan qyzmettı 2017 jyldyŋ mamyrynan atqaryp keldı.
Sondai-aq, İordaniia astanasy Amman qalasynda ötetın küres türlerınen Aziia chempionatyna qatysatyn Qazaqstan qūramasy belgılı boldy.
25-30 nauryz aralyǧynda ötetın Aziia chempionatynda el qūramasy erkın, grek-rim jäne äielder küresınen synǧa tüsedı.
