Májilis depýtaty Dáýlet Turlyhanovtyń uly Nurasyl Bolat probaııalyq baqylaýdy buzdy dep aıyptaldy, dep habarlaıdy "Adyrna" ulttyq portaly.
Májilis depýtaty Dáýlet Turlyhanovtyń uly Nurasyl Bolat erli-zaıypty zańgerler Chernovtarǵa shabýyl jasaǵany úshin 2 jylǵa bas bostandyǵyn shekteý jazasyna kesilgen bolatyn. Alaıda, keshe 13 tamyz kúni taraǵan vıdeoda onyń talapty oryndamaı júrgeni baıqalady. Nurasyl Bolat túnde kóshede temeki shegip tur jáne vıdeo avtorynyń sózine jaýap qatpaıdy.
“Vıdeo shamamen túngi saǵat 3-te jarııalandy, al ol keshki 23.00-den keıin úıde bolýy kerek. Onyń ústine onyń tirkelgen jeri – Astana, biraq vıdeo túnde Almatyda túsirilgen. Bul jerde birneshe quqyqbuzýshylyq oryn alyp otyr”, – dep málimdedi advokat Anna Chernova.
Jábirlenýshi kináli adamnyń jazasyn durys ótemeı júrgenine narazy.
Aıta ketsek, aqpan aıynda zańger Anna Dımıtrıevıch pen kúıeýi Oleg Chernov ekeýin Dáýlet Turlyhanovtyń uly Nurasyl soqqyǵa jyqqan bolatyn. Kóp uzamaı onyń ústinen QR QK-nyń 293-baby “Buzaqylyq” boıynsha qylmystyq is qozǵalǵan edi. Alǵashynda depýtattyń uly aıyppulmen qutylǵanymen, keıin Joǵarǵy sot oǵan bas bostandyǵyn shekteý jazasyn bergen bolatyn.
