Bıylǵy jyldyń alǵashqy eki aıynyń qorytyndysy boıynsha Shyńjań-Uıǵyr avtonomııalyq aýdanyndaǵy (Soltústik-Batys Qytaı) «Qorǵas» avtomobıl ótkizý pýnkti arqyly jańa pisken jemister men kókónisterdi eksporttaý kólemi 110 myń tonnany qurap, 46,2 paıyzǵa ósti. Bul týraly Qorǵas kedeniniń derekterinde kórsetilgen dep habarlaıdy “Adyrna” ulttyq portaly Sınhýa agenttigine siltep.
Qorǵas Qytaı men Qazaqstannyń shekarasynda ornalasqan. Ol arqyly tez buzylatyn ónimderdi negizgi ımporttaýshylar – Qazaqstan, Ózbekstan jáne Reseı.
Jemister men kókónisterdiń jańa kúıde saqtalýy men kedendik rásimderden jedel ári kedergisiz ótýin qamtamasyz etý úshin Qorǵas kedeninde arnaıy «jasyl dáliz» ashylǵan.
«Qazirgi ýaqytta jemister men kókónisterdi eksporttaýdyń qyzǵan maýsymy júrip jatyr jáne bizdiń kompanııa kún saıyn 70-ten astam aýyr júk kóligin jiberedi. Osy jyldyń basynan beri biz 60 myń tonna jemister men kókónisterdi eksporttadyq, al saýda kólemi 1 mıllıard ıýandy (shamamen 139 mıllıon AQSh dollaryn) qurady», - dedi halyqaralyq saýdamen aınalysatyn jergilikti kompanııanyń ókili.
