Almatyda otbasylyq janjal adam ölımımen aiaqtaldy, dep habarlaidy “Adyrna” ūlttyq portaly.
Qaiǧyly oqiǧa Brusilovskii köşesındegı tūrǧyn üilerdıŋ bırınde tüngı saǧat 03:00 şamasynda bolǧan.
Aldyn ala mälımet boiynşa, päterde tuyndaǧan janjal kezınde 34 jastaǧy er adam 59 jastaǧy ögei äkesıne asüi pyşaǧymen bırneşe ret soqqy jasaǧan. Oqiǧa ornyna şaqyrylǧan jedel järdem qyzmetı zardap şekken azamattyŋ ömırın saqtap qaluǧa tyrysqanymen, ol köptegen pyşaq jaraqaty men köp qan joǧaltudan köz jūmdy.
Almaty qalalyq Polisiia departamentınıŋ mälımetınşe, jedel-ızdestıru şaralary barysynda küdıktı ūstaldy. Ol – marqūmnyŋ 34 jastaǧy ögei ūly.
«Aldyn ala mälımet boiynşa, otbasylyq janjal kezınde küdıktı jäbırlenuşıge asüi pyşaǧymen bırneşe ret soqqy jasaǧan. Oqiǧanyŋ bır nūsqasy retınde janjaldyŋ küdıktınıŋ anasymen bolǧan kikıljıŋnen keiın tuyndaǧany qarastyrylyp jatyr. Būl jaǧdailardyŋ barlyǧy tergeu barysynda jan-jaqty tekserıledı», – dep habarlady polisiia.
Atalǧan faktı boiynşa adam öltıru baby boiynşa qylmystyq ıs qozǧaldy. Küdıktı uaqytşa ūstau izoliatoryna qamaldy. Qazır oqiǧanyŋ barlyq män-jaiyn anyqtauǧa baǧyttalǧan tergeu amaldary jürgızılıp jatyr.
