Prezident Qasym-Jomart Toqaev özınıŋ « Ädılettı memleket. Bırtūtas ūlt. Berekelı qoǧam» atty Qazaqstan Halqyna Joldauynda: «Halyq qatysatyn biudjet» jobasy tiımdı ıske asyrylyp jatyr. Onyŋ auqymyn keŋeitıp, jobaǧa audandyq maŋyzy bar qalalar men auyldardy tartu kerek. Tūrǧyn-üi kommunaldyq şaruaşylyǧy qarjysynyŋ kemınde 10 paiyzy qaida jūmsalatynyn qoǧamnyŋ özı aiqyndauǧa tiıs. Osy aitylǧan mäselelerdı tiımdı jüzege asyru üşın jaŋa Biudjet kodeksın qabyldau qajet, dep aitqan bolatyn.
Bügıngı künı Almatynyŋ Almaly audanynda atalǧan jobaǧa basym nazar audaryluda. Quantarlyǧy sol tūrǧyndarda at salysyp, öz ūsynystaryn beru üstınde. Mäselen, biyl almalylyq tūrǧyndardan 42 aulany abattandyruǧa ötınım kelıp tüsken. Tızımdegı meken-jailardyŋ basym köpşılıgı bıraz jyldan berı jöndeu körmeptı. Eskı tūrǧyn üi aulalaryna jergılıktı äkımdık soŋǧy jyldary köŋıl böle bastaǧan. Nätijesınde balalar oinaityn alaŋdar men skverler ornatylyp, jaryq baǧandary paida boldy.
Būl – Şagabuddin men Chaikovskii köşelerı boiynda ornalasqan tūǧyn üi aumaǧy. Almaly audanyna qarasty meken jaida biyl qūrylys qarqyndy jürdı. Sport qūrylǧylary ornatylyp, alaŋdarǧa rezeŋke jabyn töseldı. Balalar oinaityn aulalar şarbaqtarmen qorşaldy. Dese de mūnyŋ bärı jergılıktı äkımdıktıŋ jyldaǧy josparly jūmysy. Būdan bölek, audanda «Halyq qatysatyn biudjet» baǧdarlamasy aiasynda da şarua jasaldy.
«Biyl bızde 42 aulanyŋ ışınen 5 aula taŋdalyp alynyp, kürdelı jūmystan ötkızıldı. Sondai-aq «Halyqtyŋ biudjetke qatysu» baǧdarlamasy arqyly 21 aulaǧa jūmys jürgızılıp, tūrǧyndar özderınıŋ rizaşylyǧyn bıldırıp jatyr», –dedı Almaly audany kommunaldyq şaruaşylyq bölımınıŋ basşysy Ruslan Aitanov.Osylaişa ainala jaŋaşa türlenıp, bos jatqan jerlerdıŋ körkı kelıstı. Balalar men egde jastaǧy zeinetkerler quanyşynda şek joq. Jergılıktı äkımdık ökılderı jobany bastamas būryn tūrǧyndardyŋ talap-tılegın tyŋdaidy. Tiısınşe oryndyqtar men balalar alaŋy köpşılıktıŋ talǧamyna qarai ornatylǧan.
«Chaikovskii köşesınde tūrǧanymyzǧa 48 jyl boldy. Sol uaqyttan berı aulamyzda tek balalar alaŋy bolatyn. Qazır dalaǧa şyqqanda demalatyndai jaǧdai jasap berdı», – dedı Almaly audanynyŋ tūrǧyny Kenjetai Baraqbaeva. «Aulany abattandyru jūmystarynyŋ tūrǧyndarmen keŋese otyryp jürgızılgenı quantady. Bärımız körşıler bolyp şyǧyp, demalyp seruen qūruymyz üşın qajettı düniemızdı aitamyz. Audan äkımdıgı sol jospar boiynşa jūmys jürgızedı», – dedı Almaly audanynyŋ tūrǧyny Elena Vavulidi.Jauaptylar mūndai jūmystardyŋ keler jyly da jalǧasatynyn aitty. Jalpy tūrǧyndar tarapynan biyl 42 jobaǧa ötınım kelıp tüsse, sonyŋ beseuı aiaqtaldy. Qalǧan 37 joba aldaǧy jylǧa josparlanǧan.
Ūqsas jaŋalyqtar
