23 naýryz kúni Túrkııanyń oppozıııalyq Respýblıkalyq halyq partııasynyń (RHP) praımerızine 15 mıllıon adam qatysyp, qyzmetinen shettetilgen jáne qamaýǵa alynǵan Ystambul meri Ekrem Imamoǵlyǵa qoldaý kórsetti. Bul týraly Sözcü basylymy jazdy, dep habarlaıdy “Adyrna” ulttyq portaly.
Aqparatqa sáıkes, Imamoǵlynyń jaqtastary jeksenbi kúngi praımerızde daýys berip, ony Túrkııanyń eń kóne saıası partııasy – Respýblıkalyq halyq partııasynyń (Cumhuriyet Halk Partisi) atynan prezıdenttikke resmı kandıdat etip saılady. Bul týraly daýys berý uıymdastyrýshylary málimdedi.
"23 naýryzda bolashaq prezıdentimiz Ekrem Imamoǵlyǵa partııamyzdyń 1,653 mıllıon múshesi daýys berdi. Bul qazirgi bıliktiń tóńkeris jasaý áreketine berilgen eń batyl jaýap. Sondaı-aq biz barlyq azamattardy bizdiń daýys berý jáshikterimizge kelip, óz tańdaýyn jasaýǵa shaqyrdyq. Olar tarapynan 13,21 mıllıon daýys jınaldy. Jalpy alǵanda, 14,85 mıllıonnan astam adam Ekrem Imamoǵlyǵa qoldaý bildirdi", – dedi partııa tóraǵasy Ózgúr Ózel.
Ol Erdoǵandy kezekten tys prezıdenttik saılaý ótkizý týraly sheshim qabyldaýǵa jáne Imamoǵlyǵa qarsylas retinde shyǵýǵa shaqyrdy. Praımerız nátıjeleri jarııalanǵannan keıin Ekrem Imamoglý Sılıvrı túrmesinen óziniń alǵashqy jazbasyn jarııalady.
"Men sizdermen meni erekshe qýantqan jańalyqtardy bóliskim keledi. Bizdiń Respýblıkalyq halyq partııasynyń prezıdenttikke aldyn ala saılaýyna rekordtyq deńgeıde azamattar qatysty. 15 mıllıon otandasymyz daýys berdi. Bul elde bıliktiń qysymynan, kúıregen ekonomıkadan, biliksizdikten jáne zańsyzdyqtan zardap shegip otyrǵan ondaǵan mıllıon adam saılaý jáshikterine keldi", – dep jazdy ol.
Bul ýaqytta Ystambul men Túrkııanyń basqa qalalarynda Ekrem Imamoǵlynyń qamaýǵa alynýyna qarsy besinshi kún qatarynan narazylyq sherýleri jalǵasyp jatyr. Reuters agenttiginiń habarlaýynsha, búgin túnde Ystambulda qamaýǵa alynǵan merdi qoldaý úshin jarty mıllıonǵa deıin azamat jınalǵan. Polıııamen qaqtyǵystar oryn aldy.
Eske salsaq, Ystambul meri Ekrem Imamoǵly qarjylyq qylmystar boıynsha aıyptalyp, qamaýǵa alynǵan. Biraq sot ony terrorızm boıynsha aıyptaýdy joqqa shyǵardy. 23 naýryzda Túrkııanyń Ishki ister mınıstrligi ony ýaqytsha túrde Ystambul meri qyzmetinen shettetý týraly sheshim qabyldaǵanyn málimdedi.
Ystambul meriniń qamaýǵa alynýynan keıin Ankaranyń oppozıııalyq meri Mansýr Iavash kezekten tys prezıdenttik saılaý ótkizýge shaqyrdy.
