Оппозициялық Анкара мэрі Мансур Яваш Ыстамбұл мэрі Имамоглу тұтқындалған соң мерзімінен бұрын президенттік сайлау өткізуге шақырды. Бұл туралы ол Республикалық халық партиясынан (Cumhuriyet Halk Partisi) президенттікке үміткерге алдын ала сайлауда дауыс беру аяқталғаннан кейін мәлімдеді, деп хабарлайды “Адырна” ұлттық порталы Cumhuriyet басылымына сілтеме жасап.
“Менің ойымша, бүгін 20 миллионға жуық адам дауыс беруге міндеттелмей, дауыс берді. Кезектен тыс сайлаудың уақыты келді, - деді Мансур Яваш.
Ыстамбұлдың қамауға алынған мэрі ең ірі оппозициялық Республикалық халықтық партиядан (CHP) сайлауға түсетін жалғыз кандидат және ол қайта ұсынылатын болса, Түркияның қазіргі президенті Режеп Тайып Ердоғанның басты қарсыласы болып саналады.
2017 жылы Түркия референдум нәтижесінде президенттік республика болды. Қолданыстағы конституцияға сәйкес, мемлекет басшысы қатарынан екі мерзімнен аспайтын мерзімге қызмет ете алады. 2023 жылдың мамырында Ердоған екінші бес жылдық мерзімге қайта сайланды.
Еске салайық, Ыстамбұл мэрі Экрем Имамоглу қаржылық қылмыс жасағаны үшін қамауға алынғанымен, сот терроризмге қатысты айыптарды қабылдамады.
