Qoǧam belsendısı Maira Töleu-Begım Prezidenttıkke ümıtker Nūrjan Ältaevtyŋ "Azattyq radiosy" efirınde körsetken qylyǧyna qatysty pıkır bıldırdı, dep habarlaidy "Adyrna" ūlttyq portaly.
Tosyn jaitqa tosyrqaǧan qoǧam belsendısı būl turaly:
- Nūrjan Ältaevtyŋ "Azattyqta" äbestık körsetkenıne qatysty öz paiymymdy bıldırgım keledı. Bıldei bır eldıŋ "örmelep baryp şyŋyna - şamşyraq bolyp jaǧylamyn" deitın azamatynyŋ, saiyp kelgende, Prezident bolamyn degen azamatynyŋ qoiylǧan sūraqqa şydamai şort synuy - dūrys emes. Būl äreketı Prezident bolamyn degen adamǧa ǧana emes, er-azamatqa tän emes oǧaş äreket. Men Nūrjan Ältaevtyŋ neden şala bülıngenın tüsınıp otyrmyn. Ol Qazaqstan oppozisiia koalisiiasynan kelgen hat degennıŋ bolmaǧanyn aitty. Altynşy qazan künı bolǧan jiynnyŋ zaŋsyz ekenın Nūrjan jaqsy bılıp otyr. Sebebı, "Mūqalmastyŋ" zaŋnamasyna säikes, jiyn şaqyrudyŋ öz retı bar. Resmi jerge dauys beruge qūqyqtary bar ma, joq pa, ol zaŋnamada körsetılmegen. Jiynǧa 16 aimaq ökılderınıŋ 13-ı qarsy bolǧanyn körgende onyŋ jüikesı syr berdı. Memlekettegı biık lauazymnan ümıttı azamatqa mūndai äreket, tıpten, dūrys emes. Ol būǧan deiın de joǧary lauazymdardy ielendı, köptegen jūmsaq kreslolarda otyrdy. Nūrjannyŋ el aldyna şyǧyp söilei almaityndyǧy, tosynnan qoiylǧan sūraqqa jauap bere almaityndyǧy belgılı ǧoi, - dedı.Sonymen qatar, qoǧam belsendısı sailauǧa tüsuşı Ältaevtyŋ jaqtastaryna eskertu jasap, efir etikasy, jurnalist qyzmetı jaiynda söz qozǧady.
- Qazır köbısı "Azattyq radiosy" jurnalisın özıne ikemdı sūraqtar qoidy dep aiyptap jatyr eken. El aldyna şyǧatyn azamatqa oŋai, jüregıne jylu ūialatatyn sūraqtar qoiylmaidy. Ötkır sūraqtar qoiylady. Arnanyŋ mikrofonyn laqtyryp, qolyn sermep, efirdı tastap ketuı - baryp tūrǧan äbestık. Maǧan Nūrjan Ältaevty qoldaityn toptar da kümändı. Men onyŋ Prezidenttık sailauǧa tüsuıne üzıldı-kesıldı qarsymyn! - dep sözın tüiındedı Maira Töleu-Begım.Esterıŋızge sala keteiık, Nūrjan Ältaev tıkelei efir kezınde jurnalist saualyn ūnatpai mikrofonyn jūlqa laqtyryp, Azattyq studiiasynan şyǧyp ketken edı.
"Adyrna" ūlttyq portaly
Ūqsas jaŋalyqtar
