HH ǵasyrdyń eń tanymal tyńshylardyń biri sanalatyn Oleg Gordıevskıı Ulybrıtanııada óz úıinde 87 jasynda qaıtys boldy, dep habarlaıdy "Adyrna" ulttyq portaly BBC-ge silteme jasap.
Qaıtys bolýynyń sebepteri ázirge habarlanǵan joq.
1970-80 jyldary Gordıevskıı memlekettik qaýipsizdik komıtetiniń (MQK) birinshi bas basqarmasynda 15 jyl boıy Ulybrıtanııa men Skandınavııany qadaǵalaǵan.
Ol Ulybrıtanııaǵa MQK rezıdenti retinde jiberilgen, alaıda kóp uzamaı MI-6 brıtandyq qarsy barlaý qyzmetimen (keıin MI-5-pen de) "OVATION" laqap atymen yntymaqtastyq ornatqan. Bul baılanys 11 jylǵa sozylyp, 1985 jyly Máskeý ony kúdiktenip, Reseıge qaıtarǵan. Biraq sol jyly brıtandyq arnaıy qyzmetter qupııa operaııa júrgizip, ony Ulybrıtanııaǵa qaıta alyp ketken.
KSRO ony syrttaı atý jazasyna kesse, qazirgi Reseı ony satqyn dep jarııalady. Burynǵy áriptesteri ony "qatigez adam" jáne "óz múddesin bárinen joǵary qoıatyn adam" dep sıpattasa, Batysta oǵan múldem basqa baǵa berildi.
Gordıevskııdiń arqasynda Batys elderi Keńes Odaǵynda shyn máninde ne oılap, qandaı saıasat júrgizilip jatqanyn túsinýge múmkindik aldy. Ol qyrǵı-qabaq soǵystyń baǵytyn ózgertken adam retinde sanalady.
2007 jyly Ulybrıtanııa qaýipsizdigine qosqan úlesi úshin Oleg Gordıevskıı eldiń eń joǵary marapattarynyń biri Áýlıe Mıhaıl men Georgıı ordenimen marapattaldy.
Gordıevskııdiń aıtýynsha, ony KSRO-ǵa qarsy shyǵýǵa ıtermelegen basty oqıǵa – 1968 jylǵy Chehoslovakııaǵa basyp kirý bolǵan.
"Bul Keńes Odaǵy men basqa kommýnıstik elderdiń Chehoslovakııaǵa ashyq túrde basyp kirýi boldy. Bul men úshin shekten shyqqan oqıǵa edi. Sol kezde men sheshim qabyldadym – osy qylmystyq, sumdyq júıege qyzmet etýdi doǵaramyn", – dep eske alǵan edi ol 2008 jyly.
Oleg Gordıevskıı óltirilgen joq. Onyń ólimine qatysty tergeýge terrorızmge qarsy kúres bólimi qyzmetkerleri kómektesip jatqanyna qaramastan, qasaqana óltirý belgileri joq.
Alaıda Gordıevskıı qazirgi Reseı burynǵy qupııalaryn ashqandardy keshirmeıtinin jaqsy túsinetin.
