Qyrǵyzstan parlamentinde depýtattardyń qatarynan eki merzimnen artyq saılanýyna shekteý qoıý týraly usynys aıtyldy, dep habarlaıdy “Adyrna” ulttyq portaly 24.kg-ǵa siltep.
Bul bastamany Joǵary Keńes depýtaty Meder Álıev kóterip, halyq arasynda parlamenttiń quramy uzaq ýaqyt boıy ózgermeıtini týraly syn kúsheıgenin atap ótti.
«Biz shekteý engizsek, qalaı qaraısyzdar? Mysaly, depýtat bolyp qatarynan eki merzimge ǵana saılanýǵa ruqsat etilsin», – dedi ol.
Alaıda, zań jobasynyń avtorlarynyń biri Ulan Primov bul usynysty kandıdattardyń quqyǵyn shekteý dep baǵalady. Ol depýtattardy saılaý máselesi halyqtyń tańdaýy ekenin aıtyp, jazbasha usynys berilgen jaǵdaıda ony talqylaýǵa daıyn ekenin jetkizdi.
Meder Álıevtiń pikirinshe, saılaý júıesin reformalaǵanymen, azamattardyń kózqarasy ózgermese, negizgi problemalar sheshilmeıdi. Qazirgi ýaqytta bul usynys parlamentte resmı túrde talqylanatyn máselelerdiń qatarynda joq.
