Ūlttyq qauıpsızdık komitetı Şyǧys Qazaqstan oblystyq mäslihatynyŋ deputaty Dmitrii Somovqa qatysty tergeu jürıp jatqanyn rastady, dep habarlaidy "Adyrna" ūlttyq portaly Politico.kz saityna sıltep.
Biylǧy jyldyŋ aqpan aiynyŋ ortasynda deputattyŋ lauazymdy tūlǧaǧa para berdı degen küdıkpen ūstalǧany jaily aqparatqa ŪQK jauap berdı.
«Sotqa deiıngı tergep-tekseru jürgızılıp jatqanyn habarlaimyz. Qylmystyq-prosestık kodekstıŋ 201-babynyŋ 1-tarmaǧyna säikes özge aqparat jariia etuge jatpaidy», – delıngen Politico.kz-tıŋ saualyna bergen resmi jauapta.
Qazırgı uaqytta «QazAvtoJol» ūlttyq kompaniiasy ūstalǧan deputattyŋ qūryltaişylyǧyndaǧy «Vostokvzryvprom» serıktestıgın sotqa berıp, jūmystardy aiaqtaudy jäne aiyppūl öndırudı talap etıp jatyr. Memlekettık satyp alu saitynyŋ mälımetınşe, deputat pen onyŋ jūbaiy Elena Somova basqaratyn būl kompaniia oblystaǧy qūrylys pen kommunaldyq salada ırı tenderlerdı ūtyp kelgen. Mäselen 2024 jyly atalǧan mekeme «QazAvtoJol» aksionerlık qoǧamymen respublikalyq maŋyzy bar joldardy jöndeuge jalpy somasy 24,3 milliard teŋgeden asatyn bırneşe kelısımşart jasasqan. Kelısımşarttardyŋ basym bölıgınıŋ märtebesı älı de küşınde bolǧanymen, naqty qai joba boiynşa dau tuyndaǧany äzırge belgısız.
Jurnalist Dmitrii Şişkin 2024 jyly Dmitrii Somovtyŋ 9 kompaniianyŋ qūryltaişysy ekenın jäne onyŋ eŋ ırı mekemesı qomaqty memlekettık tapsyrystar alatynyn jazǧan bolatyn. Sonymen qatar Jemqorlyqty zertteu qor-biurosy Öskemendegı önerkäsıptık-azamattyq qūrylys salasyndaǧy ırı tenderler özara ülestes «Vostokvzryvprom» men «Kurylys Group RK» serıktestıkterı arasynda oinatylatynyn anyqtady. Būl ūiymdar bäsekelestıktı joiu maqsatynda biznestı ädeiı bölşektep, bır-bırıne jalǧan qarsylas retınde qatysuy arqyly qūrylys baiqaularynda jeŋıske jetıp otyrǧan. Ekı kompaniianyŋ basşylary Dmitrii Somov pen Aleksandr Andreichuk basqa da serıktestıkterde ortaq serıktes bolyp tabylady.
Atalǧan kompaniialardyŋ jūmys sapasy men tapsyrystardy alu zaŋdylyǧyna qatysty jergılıktı jūrtşylyq bırneşe ret şaǧymdanǧan. Būǧan deiın «Topaz» kompaniiasynyŋ direktory Bolat Baǧadaev «Vostokvzryvprom» serıktestıgınde qajettı tehnika men mamandardyŋ joqtyǧyna qaramastan baiqaularda jeŋıske jetetının aitqan edı. Ūzaqqa sozylǧan sot prosesterınıŋ nätijesınde būl ekı mekeme de är jyldary memlekettık satyp aludyŋ josyqsyz qatysuşysy dep tanylǧanyna qaramastan, reputasiialyq şyǧynǧa ūşyramai, ırı memlekettık jobalardy aluyn toqtatpaǧan.
Aita keterlıgı, jaqynda ǧana osy öŋırde oblys äkımınıŋ bırınşı orynbasary Jaqsylyq Omardyŋ da ūstalǧany turaly aqparatty ŪQK rastaǧan bolatyn
