Aqtóbe oblysynda jattyqtyrýshylar men oqýshylar mingen avtokólik jol apatyna ushyrap, bir bala kóz jumdy. Bul týraly Rolisia.kz habarlady, dep jazady "Adyrna" ulttyq portaly.
2022 jylǵy 17 jeltoqsanda Aqtóbe-Bolgarka-Shubarqudyq tasjolynyń 68 km. Temir aýdanynyń 32 jastaǵy turǵyny basqarǵan «Toyota Estima» avtokóligi aýdaryldy.
Avtokólik ishinde 11 adam, onyń ishinde 2010-2011 jyldary týǵan 9 bala boldy. Olar Shubarqudyq aýylynan Aqtóbe qalasyna voleıboldan jarysqa qatysý úshin shyqqan. Apat saldarynan bir bala jol-kólik oqıǵasy bolǵan jerde kóz jumdy, qalǵan 8 bala Aqtóbe qalasyndaǵy Oblystyq balalar aýrýhanasyna jetkizildi.
Qaıǵyly jaǵdaıǵa baılanysty oblys ákimdigi túsinikteme berdi.
"Búgin Aqtóbe oblysynda oryn alǵan qaıǵyly jaǵdaıdy túsindirgim keledi. Eń aldymen, qaıtys bolǵan balanyń ata-anasy men jaqyndaryna kóńil aıtamyn. Jol apatynda taǵy 8 bala zardap shekti. Olarǵa barlyq qajetti medıınalyq kómek kórsetiledi. Qazirgi ýaqytta osy oqıǵa boıynsha tergeý júrgizilýde. Is - oblys ákimi Eraly Toǵjanovtyń qatań baqylaýynda. Psıhologtar zardap shekkender jáne olardyń týystarymen mindetti túrde jumys isteıdi. Olarǵa jan-jaqty kómek kórsetiledi", - dep jazdy Aqtóbe oblysy ákimi apparaty basshysynyń orynbasary – oblys ákiminiń baspasóz hatshysy Erjan Baıtanaev.
"Adyrna" ulttyq portaly
