Reseı prezıdenti Vladımır Pýtınniń nemere aǵasy Evgenıı Pýtın qaıtys boldy, dep habarlaıdy "Adyrna" tilshisi IvanovoNews agenttigine siltep.
Pýtınniń aǵasy 90 jasqa kelgende kóz jumdy. Reseıdegi BAQ-tyń jazýynsha, ol 10 naýryz kúni ómirden ótken. Alaıda qaıda jerlengeni belgisiz.
Evgenıı Pýtın - aýyl sharýashylyǵy salasynda túrli qyzmetter atqaryp, keńshar dırektory da boldy.
Reseı prezıdenti Vladımır Pýtınniń nemere aǵasy Evgenıı Pýtınniń uly men qyzy bıznes pen saıasatta aıtarlyqtaı tabysqa jetken.
Evgenıı Pýtınniń uly «Gazprom» basqarma tóraǵasynyń orynbasary. Al qyzy Elena Kemerovo oblysynyń gýbernatory Sergeı ıvılevke turmysqa shyǵyp, Reseıdegi eń iri kómir kompanııalarynyń birine ıelik etedi.
