Prezident Qasym-Jomart Toqaev qazır kinoteatrda körsetıletın filmderge qatysty qoǧamdyq syn bar ekenın basa aitty, Būl turaly ol Burabaida ötken qūryltaida mälımdedı, dep habarlaidy “Adyrna” ūlttyq portaly.
«Byltyr qazaqstandyq mamandar tüsırgen 94 film şyqqan, iaǧni, negızınen özımızdıŋ önım şyǧarylyp jatyr. Būl – jaqsy ürdıs. Bıraq bız eŋ aldymen sanǧa emes, sapaǧa köŋıl audaruymyz kerek.
Bügınde filmderdıŋ basym köpşılıgı memlekettık tapsyryspen emes, jeke qarjyǧa tüsırılude. Kino maŋyzdy ideologiialyq qūral ekenın bärımız jaqsy tüsınemız. Sondyqtan jeke qarjyǧa tüsırılse de, filmdı kinoteatrǧa şyǧarmas būryn aldyn ala süzgıden ötkızu joldaryn qarastyrǧan jön», - dedı Prezident.
Sondai-aq multfilmder mäselesı de nazardan tys qalmady.
Prezident jaqynda şyqqan «Şoqan. Qaşqariia sapary» degen multfilmge öte jaqsy tuyndy dep baǧa berdı. Ol qazaq tılınde ūlttyq naqyşta tüsırılgen osyndai multfilmder köp boluy qajet ekenın aitty.
«Būl – ūlt bolaşaǧyna tıkelei yqpal etetın mäsele. Sondyqtan animasiiany damytu mäselesın qolǧa alu kerek», - dedı Memleket basşysy.
Ūqsas jaŋalyqtar
