Prezıdent Qasym-Jomart Toqaev qazir kınoteatrda kórsetiletin fılmderge qatysty qoǵamdyq syn bar ekenin basa aıtty, Bul týraly ol Býrabaıda ótken quryltaıda málimdedi, dep habarlaıdy “Adyrna” ulttyq portaly.
«Byltyr qazaqstandyq mamandar túsirgen 94 fılm shyqqan, ıaǵnı, negizinen ózimizdiń ónim shyǵarylyp jatyr. Bul – jaqsy úrdis. Biraq biz eń aldymen sanǵa emes, sapaǵa kóńil aýdarýymyz kerek.
Búginde fılmderdiń basym kópshiligi memlekettik tapsyryspen emes, jeke qarjyǵa túsirilýde. Kıno mańyzdy ıdeologııalyq qural ekenin bárimiz jaqsy túsinemiz. Sondyqtan jeke qarjyǵa túsirilse de, fılmdi kınoteatrǵa shyǵarmas buryn aldyn ala súzgiden ótkizý joldaryn qarastyrǵan jón», - dedi Prezıdent.
Sondaı-aq mýltfılmder máselesi de nazardan tys qalmady.
Prezıdent jaqynda shyqqan «Shoqan. Qashqarııa sapary» degen mýltfılmge óte jaqsy týyndy dep baǵa berdi. Ol qazaq tilinde ulttyq naqyshta túsirilgen osyndaı mýltfılmder kóp bolýy qajet ekenin aıtty.
«Bul – ult bolashaǵyna tikeleı yqpal etetin másele. Sondyqtan anımaııany damytý máselesin qolǵa alý kerek», - dedi Memleket basshysy.
