Qazaq halqynyń ejelgi salt-dástúri boıynsha elimizdiń Batys óńirlerinde Naýryz meıramyn atap ótý – 14 naýryz Kórisý kúni merekesimen bastalady.
Osy oraıda Batys Qazaqstan oblysynyń ákimi Narıman Tóreǵalıev Kórisý kúni Oraldaǵy Ájǵalıevter áýletine bardy. Ájǵalıevter – óńirdegi kópke úlgi otbasylardyń biri. Áýlettiń balarynyń kópshiligi medıına salasynda uzaq jyldar eńbek etip, oblystyń densaýlyq saqtaý salasynyń damý tarıhynda eleýli iz qaldyrdy.
BQO ákimi Ájǵalıevter otbasyn búgingi merekemen quttyqtady.
«Úlkenge - qurmet, kishige - izet» - deıdi dana halqymyz. Kórisý kúni sizderdiń áýletińizge arnaıy kelip otyrmyn. Bul meıram bizdiń ulttyq qundylyqtarymyzdy nyǵaıtýǵa septigin tıgizedi. Sizderdiń otbasylaryńyz medıına salasyndaǵy kóp jylǵy eńbegimen eldiń damýyna zor úles qosyp keledi. Bul eńbekke adaldyqtyń jáne maqsatqa beriktiktiń belgisi. Otbasylaryńyzǵa zor densaýlyq, baq-bereke, bala-shaǵańyzǵa amandyq tileımin»- dedi óńir basshysy Narıman Tóreǵalıev.
Narıman Tóreǵalıev oblys turǵyndaryn Naýryz merekesiniń bastalýymen quttyqtady.
«Cizderdi Kórisý kúnimen, Amal merekesimen quttyqtaımyn! Burynda ata-babalarymyz dál osy kúni bir-birimen qýana qaýyshyp, amandyq-saýlyq surasyp, izgi tilekterin arnaǵany belgili. Memleket basshysy Qasym-Jomart Kemeluly Toqaev atap ótkendeı, eldik pen yntymaqqa shaqyratyn osy meıram — ultymyzdyń baýyrmaldyq saltynyń jarqyn kórinisi. Ótken jyly QR Prezıdentiniń tapsyrmasyna sáıkes elimizde Naýryznama tujyrymdamasy bekitilgeni belgili. Ulttyq qundylyqtarymyz ben dástúrlerimizdi jańǵyrtýǵa baǵyttalǵan osy tujyrymdama negizinde Ulystyń uly kúni — Naýryz meıramy elimizde 14 naýryzdan bastap toılanady. Jáne ol on kúndik Kórisý kúninen bastaý alatyny biz úshin úlken qýanysh»- dedi óńir basshysy.
Batys Qazaqstan oblysynda Kórisý kúni meıramy keń kólemde atalyp ótildi. Oblystyń ár aýdanynda túrli tanymdyq
is-sharalar ótti.
