"Hýtorlyqtar" dep tanylǵan uıymdasqan qylmystyq toptyń jetekshisi Hasan Qasymbaevtyń isine taǵy bir jábirlenýshi qosyldy. Bul týraly alǵashqy jábirlenýshiniń advokaty málimdedi, dep habarlaıdy "Adyrna" ulttyq portaly Tengrinews.kz-ke silteme jasap.
Eske salsaq, Qasymbaevqa adam urlaý, densaýlyqqa qasaqana aýyr zııan keltirý jáne bopsalaý faktileri boıynsha tergeý júrgizilip jatyr. Advokat Álisher Álishevtiń aıtýynsha, qazir is boıynsha eki jábirlenýshi bar.
"Urlaý men densaýlyqqa aýyr zııan keltirý bir jábirlenýshige, al bopsalaý basqa jábirlenýshige qatysty tergelip jatyr", – dedi advokat.
Sondaı-aq, ol Hasan Qasymbaevtyń qazirgi ýaqytta túrmede otyrǵanyn jáne qosymsha tergeý amaldary júrgizilip jatqanyn málimdedi.
"Qazir tergeý aıaqtalyp, is materıaldarymen tanysýǵa múmkindik berilýin kútip otyrmyz", – dedi Álisher Álishev.
Qasymbaevtyń esimi Talǵardaǵy Sherzat Polattyń óliminen keıin keńinen tanyldy. Almaty oblysynyń soty ony eki aıǵa qamaý týraly sheshim shyǵarǵan. Buǵan deıin quqyq qorǵaý organdary ony 2021 jyly jasaǵan qylmysy úshin arnaıy operaııa kezinde tutqyndaǵan bolatyn.
Aıta keteıik, Qasymbaevtyń inisi Erjan Qasymbaev 2017 jyldan beri keden qyzmetkeri Medet Jamashevti óltirgeni úshin túrmede otyr. Al Sherzat Polattyń óliminen keıin, 15 qazanda, Talǵar aýdany ákimi apparatynyń basshysy bolǵan Aslan Qasymbaev qyzmetinen bosatyldy.
Qazir tergeý jalǵasyp jatyr.
