2024 jyly Qazaqstanda 365,9 myń bala dúnıege kelgen. Bul 2023 jylmen salystyrǵanda az kórsetkish (388,4 myń), dep habarlaıdy "Adyrna" ulttyq portaly Ulttyq statıstıka bıýrosyna silteme jasap.
Dúnıege kelgen sábılerdiń 51,6%-y ul, 48,4%-y qyz. Qalalyq jerlerde 219,1 myń bala (59,9%), al aýyldyq jerlerde 146,7 myń bala (40,1%) ómirge kelgen.
Jalpy týý koeffııenti 1000 adamǵa shaqqanda 18,15-ti quraǵan. Bul kórsetkish 2023 jyly 19,52-ge jetken.
[caption id="attachment_231026" align="alignnone" width="1024"]
Foto: Ulttyq statıstıka bıýrosy[/caption]
Týý deńgeıi eń joǵary aımaqtar – Túrkistan (24,88), Mańǵystaý (24,29) oblystary jáne Shymkent qalasy (23,58).
Analardyń jasyna kelsek, jańa týǵan nárestelerdiń 27,5%-yn 25-29 jas aralyǵyndaǵy, al 26,2%-yn 30-34 jas aralyǵyndaǵy áıelder dúnıege ákelgen. 20 jasqa deıingi qyzdar 11,9 myń balany ómirge ákelse, 50 jastan asqan áıelderden týǵan balalar sany – 100. Ortasha eseppen, 2024 jyly analardyń jasy 29,8 jas boldy.
Týylǵan balalardyń 23%-y otbasyndaǵy tuńǵysh bala atandy (84,2 myń), al tórtinshi bolyp týǵandar sany 60 myńnan asty (16,4%). Sondaı-aq, bir jyl ishinde 3 721 egiz, 46 úshem dúnıege kelgen.
