15 jyl burynǵy apat. Qaıdasyń, Qyzylaǵash?

639
Adyrna.kz Telegram
Foto: tengrinews.kz
Foto: tengrinews.kz

Osydan 15 jyl buryn, 2010 jyly 11 naýryzdan 12 naýryzǵa qaraǵan túni Almaty oblysyndaǵy Qyzylaǵash sý qoımasyndaǵy bóget buzylyp, qaıǵyly oqıǵa oryn alǵan edi. 

Saldarynan aýyldy sý basyp, 45 adam qaza tapty.

Qyzylaǵash aýylynda shamamen 3,5 myń adam turǵan, olardyń basym kópshiligi – syrttan kelgen qandastar. Bir mezette aýyldy bes metrden asatyn tasqyn sý shaıyp, baspanalar qırap, mal men adamdardy aǵyzyp áketti.

146 úı tolyqtaı joıylyp, 251 úı qatty zaqymdandy, 42 úıge jóndeý qajet boldy.

Tótenshe jaǵdaılar qyzmeti men áskerıler oqıǵa ornyna jedel jetip, qutqarý jáne izdestirý jumystaryn júrgizdi. Tikushaqtar men arnaıy jasaq topan sý basqan aýmaqty kún saıyn sholyp, turǵyndardy qaýipsiz aımaqqa kóshirdi. Qyzylaǵash sý qoımasynan aqqan sý nebári 18 mınýt ishinde aýyldy túgel shaıyp ketken.

Qyzylaǵashtaǵy apatqa kináli dep Qyzylaǵash aýyldyq okrýginiń sol kezdegi ákimi Eset Júnisov, "Qyzylaǵash" sý qoımasynyń basshysy, "Shynar" JShS dırektory Qýanysh Bekeev, sý paıdalanýshylar arnaýly óndiristik kooperatıviniń atqarýshy dırektory Muhıt Júnisov, Aqsý aýdandyq tótenshe jaǵdaılar jónindegi bólimniń bastyǵy Kúnibek Baızaqov jáne Almaty oblysy boıynsha tótenshe jaǵdaılar jónindegi departament bastyǵynyń orynbasary Evgenıı Enınder tanyldy. Olar túrli merzimge sottaldy.

Pikirler