«Qazaqmys» korporaııasy hımııalyq zerthanalar basqarmasynyń burynǵy basshysy Baqyt Ádilova «kompanııa sırek kezdesetin metaldardy elden eksporttaıdy» degen málimdeme jasady. Bul týraly ol «Gıperboreı» baǵdarlamasynda aıtty, dep habarlaıdy «Adyrna» tilshisi.
Eks-qyzmetker korporaııanyń hımııalyq saraptama júrgizbesten, quramynda baǵaly jáne sırek jer metaldary bar ken men mys konentratyn syrtqa shyǵaryp jatqanyn atap ótti. Aıtýynsha, bul tásil shıkizattyń naqty baǵasyn jasyrý arqyly onyń qunyn jasandy túrde tómendetýge jáne ulttyq ekonomıkaǵa zııan keltirýge baǵyttalǵan.
Baqyt Ádilova álemde metaldardy esepke alý úshin joǵary dáldiktegi hımııalyq taldaý ádisteri qoldanylatynyn, al «Qazaqmys» tek rentgenspektraldyq ekspress-taldaý ádisin paıdalanǵanyn alǵa tartty.
«Qarapaıym jumysshydan bastap, kásiporyn basshysyna deıin rentgenspektraldyq ádistiń naqty emes, jartylaı sandyq taldaý ádisi ekenin biledi. Joǵary qatelikke baılanysty bul ádis tek tehnologııalyq proesti túzetý úshin ǵana qoldanylady. Al metall esepke alý jáne ózara esep aıyrysý úshin joǵary dáldiktegi hımııalyq taldaý ádisteri qoldanylady»,—dep túsindirdi ol.
Ádilova korporaııanyń Jezqazǵandaǵy rentgenospektraldy zerthanany zańsyz akkredıtaııadan ótkizgenin málimdedi.
«Bul – akkredıtaııa týraly zańdy tikeleı buzý ǵana emes, sondaı-aq ken men ony qaıta óńdeý ónimderindegi metaldar quramyn burmalaýdy zańdastyrý bolyp esepteledi. Sondaı-aq eksporttalatyn shıkizatqa rentgenospektraldyq ádispen júrgizilgen sertıfıkattaý taldaýlaryna qatysty dáleldi qujattar quqyq qorǵaý organdaryna tapsyryldy»,—dedi ol.
Alaıda «Qazaqmys» korporaııasy bul aıyptaýlardy joqqa shyǵardy.
«Sırek kezdesetin metaldardyń quramyn jasyrý, sondaı-aq eksporttalatyn shıkizat qunyn jasandy túrde tómendetý týraly málimdemeler shyndyqqa janaspaıdy»,— dep málimdedi kompanııa.
Aıtýlarynsha, korporaııa sırek kezdesetin metaldardy maqsatty túrde óndirýmen aınalyspaıdy, al onyń qyzmeti ulttyq jáne halyqaralyq standarttarǵa tolyq sáıkes keledi.
