AQŞ azamaty ata-anasynyŋ 80 jyl būrynǧy qūjattaryn Qazaqstannan tauyp aldy. Būl turaly Polisia.kz saity jariialady, dep habarlaidy “Adyrna” ūlttyq portaly.
AQŞ azamatyna tuystary turaly aqparatty ızdeuge polisiia kömektesken.
«Amerikalyq Djeff Şaingold Qyzylorda oblysynyŋ polisiia departamentıne äkesı turaly mälımet sūrap jügındı. Onyŋ äkesı – ūlty evrei, Tereŋözek audanynda tūrǧan (qazırgı Syrdariia) jäne 1943 jyly quǧyn-sürgın kezınde qamauǧa alynǧan. Polisiia mūraǧatynda ūlynyŋ ötınışı boiynşa jan-jaqty ızdeu jūmystary jürgızıldı”, delıngen aqparatta.
Foto: polisia.kz
Djeff Şaingoldtyŋ aituynşa, qūjattardy ızdeu barysynda ata-anasy turaly bırşama maǧlūmat alǧan.
"2022 jyly ata-anamnyŋ 1942 jyly Qazaqstanda Ūly Otan soǧysy kezınde tūrǧanyn bıldım. Olar Polşadan nasisterden qaşqan. Bızde sot hattamasynan basqa mälımetter bolǧan joq. Izdeu nätijesınde mūraǧatta 80 jylǧa juyq saqtalǧan qūjattar tabyldy. Olar menıŋ ata-anam men №6 auylda jerlengen aǧama qatysty qūjattar. Poliseilerdıŋ arqasynda bız olardyŋ 1942 jyldan 1946 jylǧa deiın ömırlerınen bırşama maǧlūmat aldyq", – deidı Djeff Şaingold.
Qazaqstanǧa kelgen şeteldık erlı-zaiypty ata-anasy ǧūmyr keşken qazaq jerıne jäne aǧasy jerlengen ziratqa baryp, taǧzym ettı. Olar ata-anasynyŋ qymbat beinesın jadynda saqtau üşın estelıkterımen bölıstı.
Aita ketsek, oblystyq polisiia departamentınıŋ mūraǧatynda 30 myŋnan astam qūjat saqtalǧan. Būl qūjattar tuystarynyŋ taǧdyry turaly mälımet ızdegen jüz myŋdaǧan adamdarǧa, sonymen qatar tarihi aqparatty tolyǧymen qalpyna keltıru üşın ǧalymdar, jurnalister men tarihşylar üşın öte maŋyzdy.
