AQSh-tyń prezıdenti Donald Tramptyń eń jaqyn seriktesteri Ýkraına oppozıııa ókilderimen jasyryn kelissózder júrgizdi. Olardyń qatarynda eldiń burynǵy premer-mınıstri Iýlııa Tımoshenko da bar. Bul týraly Politico basylymy 6 naýryzda óz derekkózderine silteme jasap málimdegen, dep habarlaıdy "Adyrna" ulttyq portaly.
"Donald Tramptyń tórt joǵary laýazymdy seriktesi Kıevte Vladımır Zelenskııdiń basty saıası qarsylastarymen qupııa kezdesý ótkizdi. Bul kezde Vashıngton Máskeýmen birge Ýkraına prezıdentin bılikten shettetýge tyrysyp jatyr", – delingen jarııalanǵan materıalda.
Kezdesýde Ýkraınada merziminen buryn prezıdenttik saılaý ótkizý múmkindigi talqylanǵan.
Politico basylymynyń málimetinshe, Tramptyń kómekshileri Zelenskııdiń halyqtyń soǵysqa sharshaýy men jemqorlyqqa narazylyǵy saldarynan saılaýda jeńilýi múmkin ekenin alǵa tartqan. Sonymen qatar, keıbir ýkraınalyq sheneýnikter AQSh prezıdentimen qarym-qatynasty qalpyna keltirýdi jaqtap otyrǵany belgili boldy. Olar Vashıngtonnyń qoldaýynsyz Kıev álsireıtinin túsinedi.
Basylymnyń jazýynsha, Tramptyń Ýkraınaǵa áskerı kómekti toqtatý týraly sheshimi eldegi saıası daǵdarysty kúsheıte tústi. Aqparatqa sáıkes, Tramp ákimshiligi Zelenskııge AQSh-tyń Ýkraınadaǵy soǵysty jyldam retteý josparyna kelisýge nemese otstavkaǵa ketýge usynys jasaǵan.
