اقش-تىڭ پرەزيدەنتى دونالد ترامپتىڭ ەڭ جاقىن سەرىكتەستەرى ۋكراينا وپپوزيتسيا وكىلدەرىمەن جاسىرىن كەلىسسوزدەر جۇرگىزدى. ولاردىڭ قاتارىندا ەلدىڭ بۇرىنعى پرەمەر-ءمينيسترى يۋليا تيموشەنكو دا بار. بۇل تۋرالى Politico باسىلىمى 6 ناۋرىزدا ءوز دەرەككوزدەرىنە سىلتەمە جاساپ مالىمدەگەن، دەپ حابارلايدى "ادىرنا" ۇلتتىق پورتالى.
"دونالد ترامپتىڭ ءتورت جوعارى لاۋازىمدى سەرىكتەسى كيەۆتە ۆلاديمير زەلەنسكيدىڭ باستى ساياسي قارسىلاستارىمەن قۇپيا كەزدەسۋ وتكىزدى. بۇل كەزدە ۆاشينگتون ماسكەۋمەن بىرگە ۋكراينا پرەزيدەنتىن بيلىكتەن شەتتەتۋگە تىرىسىپ جاتىر", – دەلىنگەن جاريالانعان ماتەريالدا.
كەزدەسۋدە ۋكراينادا مەرزىمىنەن بۇرىن پرەزيدەنتتىك سايلاۋ وتكىزۋ مۇمكىندىگى تالقىلانعان.
Politico باسىلىمىنىڭ مالىمەتىنشە، ترامپتىڭ كومەكشىلەرى زەلەنسكيدىڭ حالىقتىڭ سوعىسقا شارشاۋى مەن جەمقورلىققا نارازىلىعى سالدارىنان سايلاۋدا جەڭىلۋى مۇمكىن ەكەنىن العا تارتقان. سونىمەن قاتار، كەيبىر ۋكراينالىق شەنەۋنىكتەر اقش پرەزيدەنتىمەن قارىم-قاتىناستى قالپىنا كەلتىرۋدى جاقتاپ وتىرعانى بەلگىلى بولدى. ولار ۆاشينگتوننىڭ قولداۋىنسىز كيەۆ السىرەيتىنىن تۇسىنەدى.
باسىلىمنىڭ جازۋىنشا، ترامپتىڭ ۋكرايناعا اسكەري كومەكتى توقتاتۋ تۋرالى شەشىمى ەلدەگى ساياسي داعدارىستى كۇشەيتە ءتۇستى. اقپاراتقا سايكەس، ترامپ اكىمشىلىگى زەلەنسكيگە اقش-تىڭ ۋكرايناداعى سوعىستى جىلدام رەتتەۋ جوسپارىنا كەلىسۋگە نەمەسە وتستاۆكاعا كەتۋگە ۇسىنىس جاساعان.
