QR mädeniet jäne aqparat ministrı Aida Balaeva BAQ ökılderıne arnap jazba jariialady, dep habarlaidy "Adyrna" ūlttyq portaly.
"Jurnalister men memlekettık organdardyŋ özara tiımdı jūmysy qoǧamnyŋ negızgı qūqyqtarynyŋ bırı – obektivtı aqparatqa qoljetımdılıktı qamtamasyz etedı. Alaida, osy bırlesken jūmys kezınde kez kelgen örkeniettı qoǧamda basty qaǧidattardyŋ bırı sanalatyn syilastyq, etika jäne mädeni qarym-qatynas tolyq saqtala bermeidı.
Mäjılıs qabyrǧasynda jurnalist Madina Jatqanbaevaǧa qatysty oryn alǧan jaǧdai, ökınışke qarai, akkreditasiia erejelerınıŋ saqtalmauy men Premer-Ministrdıŋ orynbasarynyŋ baspasöz hatşysynyŋ äreketıne bailanysty tuyndady.
Memlekettık organdar ūiymdastyratyn ıs-şaralarda jurnalister belgılengen akkreditasiia talaptary men reglamenttı qataŋ saqtau qajet ekenın esten şyǧarmaǧany jön.
Sonymen qatar, memlekettık qyzmetşıler de būqaralyq aqparat qūraldary ökılderıne qūrmetpen qarap, olardyŋ käsıbi qyzmetıne kedergı keltırmeuge tiıs.
Ministrlık memlekettık organdardyŋ barlyq baspasöz qyzmetterımen bırlesken jiyn ūiymdastyryp, būqaralyq aqparat qūraldary men memlekettık organdar arasyndaǧy özara ıs-qimyl tiımdılıgın arttyruǧa baǧyttalǧan jūmystardy küşeitedı. Sonymen qatar, būl baǧytta Aqparat komitetı de konstruktivtı dialog ornatu boiynşa jūmystardy jandandyrady", - delıngen ministr jazbasynda.
Ūqsas jaŋalyqtar
