QR mádenıet jáne aqparat mınıstri Aıda Balaeva BAQ ókilderine arnap jazba jarııalady, dep habarlaıdy "Adyrna" ulttyq portaly.
"Jýrnalıster men memlekettik organdardyń ózara tıimdi jumysy qoǵamnyń negizgi quqyqtarynyń biri – obektıvti aqparatqa qoljetimdilikti qamtamasyz etedi. Alaıda, osy birlesken jumys kezinde kez kelgen órkenıetti qoǵamda basty qaǵıdattardyń biri sanalatyn syılastyq, etıka jáne mádenı qarym-qatynas tolyq saqtala bermeıdi.
Májilis qabyrǵasynda jýrnalıst Madına Jatqanbaevaǵa qatysty oryn alǵan jaǵdaı, ókinishke qaraı, akkredıtaııa erejeleriniń saqtalmaýy men Premer-Mınıstrdiń orynbasarynyń baspasóz hatshysynyń áreketine baılanysty týyndady.
Memlekettik organdar uıymdastyratyn is-sharalarda jýrnalıster belgilengen akkredıtaııa talaptary men reglamentti qatań saqtaý qajet ekenin esten shyǵarmaǵany jón.
Sonymen qatar, memlekettik qyzmetshiler de buqaralyq aqparat quraldary ókilderine qurmetpen qarap, olardyń kásibı qyzmetine kedergi keltirmeýge tıis.
Mınıstrlik memlekettik organdardyń barlyq baspasóz qyzmetterimen birlesken jıyn uıymdastyryp, buqaralyq aqparat quraldary men memlekettik organdar arasyndaǵy ózara is-qımyl tıimdiligin arttyrýǵa baǵyttalǵan jumystardy kúsheıtedi. Sonymen qatar, bul baǵytta Aqparat komıteti de konstrýktıvti dıalog ornatý boıynsha jumystardy jandandyrady", - delingen mınıstr jazbasynda.
