«Qazaq Media Association» zaŋdy tūlǧalar jäne jeke käsıpkerler bırlestıgı «Jas alaş» JŞS, «Almaty Aqparat» mediaholdingı jäne «Qala men dala» gazetımen Özara yntymaqtastyq jäne özara tüsınıstık turaly memorandumǧa qol qoidy.
Taraptar memorandum negızınde qazaqtıldı aqparat keŋıstıgın damytu, redaksiialar arasyndaǧy käsıbi bailanysty nyǧaitu, media saladaǧy ortaq bastamalardy qoldau jäne aqparattyq ärıptestıktı keŋeituge kelıstı.
Memorandumǧa «Qazaq Media Association» ZTjJKB töraǧasy Erbol Azanbek, «Almaty Aqparat» mediaholdingınıŋ bas direktory Erjan Qalymbaiūly, «Jas alaş» JŞS direktory Rinat Rahimov jäne «Qala men dala» gazetınıŋ ökılı Jaras Niiazbek qol qoidy.
«Qazaq Media Association» qūramyna qazaqtıldı internet-basylymdar men aqparattyq platformalar kıredı. Al «Almaty Aqparat» mediaholdingı qūramyna «Almaty aqşamy» jäne «Vechernii Almaty» gazetterı men üş aqparattyq resurs pen äleumettık jelıler kıredı. «Jas alaş» JŞS qūramyna «Jas alaş» gazetı men saity kıredı. «Qala men dala» gazetı qazırgı taŋdaǧy jekemenşık sanauly gazetterdıŋ bırı.
«Qazaq Media Association» ZTjJKB töraǧasy Erbol Azanbek memorandumnyŋ maŋyzyna toqtalyp:
«Qazaq mediasynyŋ aldynda bırlese şeşudı qajet etetın ortaq mındet köp. Aqparattyq qauıpsızdık, sapaly kontent, qazaq auditoriiasynyŋ sūranysyna sai jaŋa formattar, qarjylandyru - mūnyŋ bärı tıze qosa jūmys ısteudı qajet etedı. Būl memorandum - bäsekelestıkten būryn serıktestık mädenietın qalyptastyruǧa jasalǧan qadam. Qauymdastyq aldaǧy uaqytta türlı baǧyttar boiynşa jūmysyn jandandyrady. Atap aitqanda, aldaǧy künderı respublika kölemınde qauymdastyq qūramyna kıruge niet tanytyp otyrǧan BAQ-tardy qabyldau jūmystaryn jalǧastyramy. Juyrda Astanada, Almatyda barlyq BAQ ökılderınıŋ basyn qosyp, ortaq mäselelerdı şeşu jolyn talqylaimyz. Sonymen qatar, Qyrǧyzstan, Özbekstan, Äzerbaijan jäne Türkiia jurnalister qauymdastyqtarymen yntymaqtasa jūmys ısteu jaiy da pysyqtaluda»,- dedı.
«Almaty Aqparat» mediaholdingı bas direktory Erjan Qalymbaiūly:
«Qazaqtıldı media bır-bırın qoldaǧanda ǧana yqpaldy aqparattyq orta qalyptasady. Bız täjıribe almasuǧa, ortaq jobalar jasauǧa jäne käsıbi bailanystardy küşeituge müddelımız», - dedı.
«Jas alaş» JŞS atqaruşy direktory Rinat Rahimov:
«Bügıngı media keŋıstıkte sapaly jurnalistika men jauapty aqparat taratu erekşe maŋyzdy. Osyndai yntymaqtastyq alaŋdary qazaq baspasözınıŋ jaŋa deŋgeige köterıluıne mümkındık beredı», - dep atap öttı.
«Qazaq baspasözı qoǧamdaǧy maŋyzdy mäselelerdı köterıp, ūlttyq müddege qyzmet etuı kerek. Būl memorandum - är redaksiianyŋ täjıribesın bırıktırıp, oqyrmanǧa sapaly ärı senımdı aqparat ūsynuǧa baǧyttalǧan maŋyzdy qadam. Ortaq qūndylyqtar töŋıregınde bırıgu - bügıngı uaqyttyŋ talaby», - dedı «Qala men dala» gazetınıŋ ökılı Jaras Niiazbek.
Taraptar aldaǧy uaqytta bırlesken media-jobalardy jüzege asyru, käsıbi forumdar men kezdesuler ötkızu, jurnalisterdıŋ täjıribelerın şyŋdap, bır-bırlerıne aqparattyq qoldau körsetu jäne qazaqtıldı kontenttı damytu baǧytynda bırlese jūmys jürgızuge uaǧdalasty.
