Keşe, 5 nauryz künı Qyrǧyzstanda dästürlı Aq qalpaq jäne ūlttyq kiım künı atalyp öttı. Būl mereke 2011 jyly bekıtılıp, jyl saiyn keŋ kölemde toilanyp keledı, dep habarlaidy "Adyrna" ūlttyq portaly Sinhuaǧa sıltep.
Qyrǧyzstannyŋ memlekettık hatşysy Süiınbek Qasmambetov barlyq azamatty merekemen qūttyqtap, ūlttyq kiımnıŋ halyqtyŋ mädenietı men tarihynyŋ ajyramas bölıgı ekenın atap öttı.
"Aq qalpaqtan bastap bızdıŋ ūlttyq kiımımız halqymyzdyŋ tarihymen tyǧyz bailanysyp, mädeni mūranyŋ maŋyzdy elementı retınde saqtalyp keledı. Bızdıŋ basty mındetımız – ata-babamyzdyŋ mūrasyn, tılın, dästürın keiıngı ūrpaqqa jetkızu", – dedı ol.
Būl künı eldegı mektepterde, universitetterde jäne memlekettık mekemelerde ūlttyq kiımdı nasihattaityn türlı şaralar ūiymdastyryldy. Sonymen qatar, qalalar men auyldarda fleşmobtar, ūlttyq kiım baiqaulary öttı. Dästür boiynşa, er adamdar aq qalpaq kiıp, ūlttyq mūrany därıptedı.
Aita keteiık, 2019 jyly aq qalpaq IýNESKO-nyŋ materialdyq emes mädeni mūra tızımıne engızılgen.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz