Keshe, 5 naýryz kúni Qyrǵyzstanda dástúrli Aq qalpaq jáne ulttyq kıim kúni atalyp ótti. Bul mereke 2011 jyly bekitilip, jyl saıyn keń kólemde toılanyp keledi, dep habarlaıdy "Adyrna" ulttyq portaly Sınhýaǵa siltep.
Qyrǵyzstannyń memlekettik hatshysy Súıinbek Qasmambetov barlyq azamatty merekemen quttyqtap, ulttyq kıimniń halyqtyń mádenıeti men tarıhynyń ajyramas bóligi ekenin atap ótti.
"Aq qalpaqtan bastap bizdiń ulttyq kıimimiz halqymyzdyń tarıhymen tyǵyz baılanysyp, mádenı muranyń mańyzdy elementi retinde saqtalyp keledi. Bizdiń basty mindetimiz – ata-babamyzdyń murasyn, tilin, dástúrin keıingi urpaqqa jetkizý", – dedi ol.
Bul kúni eldegi mektepterde, ýnıversıtetterde jáne memlekettik mekemelerde ulttyq kıimdi nasıhattaıtyn túrli sharalar uıymdastyryldy. Sonymen qatar, qalalar men aýyldarda fleshmobtar, ulttyq kıim baıqaýlary ótti. Dástúr boıynsha, er adamdar aq qalpaq kıip, ulttyq murany dáriptedi.
Aıta keteıik, 2019 jyly aq qalpaq IýNESKO-nyń materıaldyq emes mádenı mura tizimine engizilgen.
