Aýstralııada 2,4 mıllıon balanyń ómirin qutqarǵan álemdegi eń tanymal donorlardyń biri Djeıms Harrıson ómirden ozdy, dep habarlaıdy «Adyrna» tilshisi.
Qaıǵyly habardy búgin, 3 naýryzda onyń otbasy jetkizdi. Aıtýlarynsha, marqum 17 aqpan kúni 89 jasqa qaraǵan shaǵynda Jańa Ońtústik Ýels shtatyndaǵy qarttar úıinde uıyqtap jatyp kóz jumǵan.
Djeıms Harrıson 1936 jyly 27 jeltoqsanda dúnıege kelgen. 14 jasynda keýdesine kúrdeli ota jasalyp, shuǵyl túrde 13 lıtrge jýyq donorlyq qan qajet bolǵan. Operaııadan keıin ol aýrýhanada úsh aı em qabyldaǵan. Donorlyq qan onyń ómirin saqtap qalǵanyn túsingen jasóspirim 18 jasqa tolǵan boıda donor bolýǵa sheshim qabyldaǵan. Keıin 81 jasyna deıin ár eki apta saıyn qan tapsyryp otyrǵan. Er adamnyń plazmasy 2,4 mıllıon sábıdiń ómirin saqtap qaldy, óıtkeni onyń quramynda erekshe sarysý jasaý úshin qoldanylatyn sırek ımmýnoglobýlın (antı-D) bolǵan.
Djeıms Harrıson sińirgen eńbegi úshin Avstralııa ordenimen marapattaldy. Al Gınnestiń rekordtar kitaby ony álemdegi eń belsendi donor dep tanydy.
