Bügın Şymkenttegı «Dostyq üiınde» Şymkent qalasynyŋ äkımı, qalalyq Qazaqstan halqy Assambleiasynyŋ töraǧasy Ǧabit Syzdyqbekovtyŋ qatysuymen 1 nauryz – Alǧys aitu künı jäne Qazaqstan halqy Assambleiasynyŋ 30 jyldyǧyna arnalǧan «Alǧys aitu – adamgerşılıktıŋ belgısı» taqyrybyndaǧy merekelık ıs-şara öttı.
Is-şara aiasynda Şymkent qalasynyŋ äleumettık-ekonomikalyq damuyna üles qosyp jürgen etnos käsıpkerlerı öndıretın önımderdıŋ körmesı ūiymdastyryldy. Qalalyq assambleia müşelerı men etnomädeni bırlestıkterdıŋ töraǧalary «Qazaq elıne myŋ alǧys!» monumentıne gül qoiyp, QHA-nyŋ 30 jyldyǧyna arnalǧan «Bırlık pen kelısım jolyndaǧy 30 jyl» eskertkış taqtasyn aşty. Al «Alǧys» keruenın sän-saltanatpen kütıp alu räsımı köpşılıkke erekşe äser qaldyrdy.
«Dostyq üiı» ǧimaratynda qalalyq etnomädeni bırlestıkterdıŋ tarihi-tanymdyq körmesı jūrtşylyq nazaryna ūsynylyp, halqymyzdyŋ mädeni-tarihi bailyǧy men etnostar tarihynan syr şertetın eskponattar tanystyryldy.
Qala äkımı Ǧabit Syzdyqbekov saltanatty ıs-şaraǧa qatysuşylar aldynda Memleket basşysy, Qazaqstan halqy Assambleiasynyŋ Töraǧasy Qasym-Jomart Kemelūly Toqaevtyŋ qūttyqtauyn oqyp berdı.
– Assambleia jyldar boiy halqymyzdyŋ yrysty yntymaǧyn nyǧaituǧa, qoǧamdaǧy özara tüsınıstık pen kelısımdı saqtauǧa ölşeusız üles qosyp keledı. Osy ūiymnyŋ belsendı qyzmetı arqyly elımızdegı barlyq etnostyŋ tılın, mädenietı men salt-dästürın üilesımdı damytuǧa, sondai-aq qazaq tılınıŋ etnosaralyq qatynas tılı retındegı märtebesın köteruge jol aşyldy.
Parlamentte ökılderı bar Qazaqstan halqy Assambleiasy memleket pen qoǧam arasynda aşyq dialog ornatqan tiımdı qūrylymǧa ainaldy. Ūiym müşelerı maŋyzdy bastamalar köterıp, elge qajettı jobalardy jüzege asyryp jatyr, Qazaqstandaǧy auqymdy özgerısterge de barynşa atsalysyp keledı, – dep QHA Töraǧasynyŋ qūttyqtauyn jetkızgen qala äkımı jūrtşylyqty 1 nauryz – Alǧys aitu künımen jäne Assambleianyŋ 30 jyldyǧymen qūttyqtady.
Aita keteiık, 1 nauryzda qūrylǧanyna 30 jyl tolǧan Qazaqstan halqy Assambleiasy bügınde qoǧamdyq kelısım men jalpyūlttyq bırlıktı bekemdeu, etnosaralyq kelısımdı saqtau jäne qazaqstandyq patriotizmdı därıpteu syndy etnosaiasat aiasyndaǧy maqsat-mındetterdı abyroimen atqaryp keledı.
Bügınde qalalyq QHA janyndaǧy 16 etnomädeni bırlestık pen 7 qoǧamdyq qūrylym berekelı bırlık jolyn közdegen bastamalar men jobalardy qoldap, quattaudan şet qalǧan emes.
Tūǧyrly tatulyqty tu etken sanaluan şymkenttık etnos ökılderı tarihy tereŋ Şymqalanyŋ qoǧamdyq-saiasi, äleumettık-ekonomikalyq ömırıne aralasyp, elımızdegı üşınşı megapolistıŋ ösıp-örkendeuıne laiyqty üles qosuda.
Ūqsas jaŋalyqtar
