Shyǵys Qazaqstan oblysynda jańa týǵan náresteniń denesi qoqys konteınerinen tabylǵan. Oqıǵa boıynsha qylmystyq is qozǵalyp, kúdikti retinde 44 jastaǵy áıel anyqtaldy, dep habarlaıdy “Adyrna” ulttyq portaly.
Resmı derekterge sáıkes, áıel 22 aqpan kúni keshki saǵat 20:00 shamasynda úıinde jalǵyz bosanǵanyn aıtqan. Onyń aıtýynsha, sábı ómir belgilerinsiz dúnıege kelgen. Keıin náresteni qoqys jáshigine aparyp tastaǵan.
Tergeý barysynda áıeldiń jaldamaly páterde turatyny jáne buǵan deıin júktilik boıynsha esepke alynbaǵany belgili boldy. Ol 2024 jyldyń sáýir aıynda medıınalyq tekserýden ótken, biraq dárigerlerge júktiligi týraly habarlamaǵan. Áıeldiń bes balasy bar jáne psıhonevrologııalyq dıspanserde tirkeýde turmaıdy.
Qazirgi ýaqytta quqyq qorǵaý organdary oqıǵanyń tolyq mán-jaıyn anyqtap, tergeý amaldaryn júrgizýde. Sonymen qatar, oblystyq densaýlyq saqtaý basqarmasy qyzmettik tekseris bastaǵanyn habarlady. Áıel ambýlatorlyq baqylaýda, jaǵdaıy qanaǵattanarlyq.
