Şyǧys Qazaqstan oblysynda jaŋa tuǧan närestenıŋ denesı qoqys konteinerınen tabylǧan. Oqiǧa boiynşa qylmystyq ıs qozǧalyp, küdıktı retınde 44 jastaǧy äiel anyqtaldy, dep habarlaidy “Adyrna” ūlttyq portaly.
Resmi derekterge säikes, äiel 22 aqpan künı keşkı saǧat 20:00 şamasynda üiınde jalǧyz bosanǧanyn aitqan. Onyŋ aituynşa, säbi ömır belgılerınsız düniege kelgen. Keiın närestenı qoqys jäşıgıne aparyp tastaǧan.
Tergeu barysynda äieldıŋ jaldamaly päterde tūratyny jäne būǧan deiın jüktılık boiynşa esepke alynbaǧany belgılı boldy. Ol 2024 jyldyŋ säuır aiynda medisinalyq tekseruden ötken, bıraq därıgerlerge jüktılıgı turaly habarlamaǧan. Äieldıŋ bes balasy bar jäne psihonevrologiialyq dispanserde tırkeude tūrmaidy.
Qazırgı uaqytta qūqyq qorǧau organdary oqiǧanyŋ tolyq män-jaiyn anyqtap, tergeu amaldaryn jürgızude. Sonymen qatar, oblystyq densaulyq saqtau basqarmasy qyzmettık tekserıs bastaǧanyn habarlady. Äiel ambulatorlyq baqylauda, jaǧdaiy qanaǧattanarlyq.
Ūqsas jaŋalyqtar
