Almaty oblysynda ündıstandyq studentter mıngen kölık jol apatyna ūşyrady, dep habarlaidy «Adyrna» tılşısı.
Oblystyq PD mälımetınşe, qaiǧyly oqiǧa 6 qaŋtar künı «Almaty – Bışkek» avtojolynyŋ 86-şaqyrymynda bolǧan. Apat saldarynan üş adam qaza tauyp, taǧy üş adam jaraqat alǧan.
Polisiia atalǧan faktı boiynşa qylmystyq ıs qozǧaǧan.
«Aldyn ala mälımetterge säikes, 33 jastaǧy Toyota Alphard kölıgınıŋ jürgızuşısı rölge ie bola almai, saldarynan kölık audarylyp ketken. Jürgızuşı oqiǧa ornynda köz jūmdy. Taǧy ekı jolauşy medisinalyq mekemede qaitys boldy, al üş adam türlı jaraqattarmen auruhanaǧa jatqyzyldy»,-delıngen habarlamada.
Ündıstannyŋ Qazaqstandaǧy elşılıgınıŋ mälımetınşe, atalǧan kölıkte bes ündıstandyq azamat bolǧan. Olardyŋ törteuı – Şymkent qalasyndaǧy Oŋtüstık Qazaqstan medisina akademiiasynyŋ studentterı, al bıreuı – Ündıstannan kelgen turist. Elşılık qaza tapqan azamattardyŋ otbasylaryna köŋıl aitty.
