Qūlsary qalasynda köz jūmǧan 17 jastaǧy Eldar Amanbektıŋ anasy tergeudıŋ ädıl jürgızıluın talap etude, dep habarlaidy "Adyrna" ūlttyq portaly İnformbiuroǧa sıltep.
Tūŋǧyş ūlynan aiyrylǧan Altynai Şaltaeva qylmysqa qatysy barlardyŋ barlyǧy qamauǧa alynsyn deidı. Aituynşa, 12 adam ūlyn basqa jıgıtpen şatastyryp, pyşaqtap ketken.
Qaiǧyly oqiǧa ötken jyldyŋ qaŋtarynda bolǧan. 11-synyp oquşysy joǧary oqu ornyna tüsuge daiyndalyp jürgen. Ol dosynyŋ tuǧan künıne ketken bozbala sol tünı üiıne oralmady.
"Eldar äzılqoi, köŋıldı bala edı. Sol künı ainanyŋ aldynda bilep, kiımın auystyryp tūrǧan. Betımnen süiıp, tuǧan kün aiaqtalǧanda qaitamyn dedı. Bıraq sol ketkennen qaityp kelmedı..." – dep, közıne jas aldy marqūmnyŋ anasy.
Oqiǧa beinebaqylau kamerasyna tüsıp qalǧan. Kadrlarda jolmen ketıp bara jatqan kölıktı bır top adamnyŋ toqtatyp, ışındegı jıgıtterdı soqqyǧa jyqqany anyq körınedı. Jäbırlenuşılerdıŋ aituynşa, küdıktıler Eldardy basqa bıreumen şatastyryp, aiausyz ūryp-soǧyp, pyşaqtaǧan.
"Balamnyŋ küretamyryn kesıp jıbergen. Ol köp qan joǧaltyp, sol jerde köz jūmdy. Küdıktıler bolsa, ony basqa bıreumen şatastyryppyz dep aqtaluda. Bıraq olardyŋ barlyǧy jasaǧan ısıne sai jazaǧa tartyluy kerek!" – deidı anasy.
Atyrau oblystyq polisiia departamentınıŋ mälımetınşe, būl oqiǧa boiynşa bırneşe bappen ıs qozǧalǧan.
"Küdıktılerge qatysty "Adam ölımıne äkelıp soqqan densaulyqqa qasaqana auyr ziian keltıru", "Būzaqylyq" baptarymen qylmystyq ıs qozǧaldy. Sot şeşımımen 5 küdıktı qamauǧa alynyp, 7 küdıktı üiqamaqqa jıberıldı. Qazır tergeu amaldary jürıp jatyr," – dedı tergeu basqarmasynyŋ aǧa tergeuşısı Temırhan Hajmūratov.
Marqūmnyŋ otbasy ıstıŋ ädıl tergeluın sūrap, qylmysqa qatysy barlardyŋ barlyǧy zaŋ aldynda jauap bergenın qalaidy.
Ūqsas jaŋalyqtar
