Almaty soty 22 jastaǵy Aýǵanstan azamatshasynyń apellıaııalyq shaǵymyn qanaǵattandyrmady. Ol birneshe aıdan beri Qazaqstanda bosqyn mártebesin alý úshin kúresip jatqan, dep habarlaıdy “Adyrna” ulttyq portaly Ulysmedia.kz saıtyna siltep.
Aqparatqa sáıkes, qyzdy týǵan eline kúshpen jiberý múmkin, óıtkeni Almaty qalasynyń Jumyspen qamtý jáne áleýmettik baǵdarlamalar basqarmasy oǵan bosqyn mártebesin berý úshin negiz joq dep tapty.
“Qyz (maqalada qaýipsizdik maqsatynda onyń aty ózgertilgen) Basqarmaǵa qarsy sot isin qozǵaǵan, biraq sot ony qoldamady jáne 25 aqpanda onyń apellıaııalyq shaǵymy da qanaǵattandyrylmady. Endi Aýǵanstan azamatshasyna Joǵarǵy sotqa shaǵymdaný kerek”, dep habarlady onyń advokaty Gúlmıra Qýatbekova.
Belgili bolǵandaı, qyz 2023 jyldyń jeltoqsanynan beri Qazaqstanda turyp jatyr, medıınalyq ýnıversıtette oqyǵan, biraq oqýyn tóleı almaı qalǵandyqtan ony tastaýǵa májbúr bolǵan. Otanynda ol áıelder quqyqtaryn qorǵaýmen aınalysqan — sheteldik uıymdarmen yntymaqtastyqta bolyp, qyzdarǵa sabaq berip, Batys medıalarymen baılanysqa shyǵyp, Aýǵanstandaǵy áıelder quqyǵynyń buzylýy týraly aıtyp bergen.
2023 jyldyń shilde aıynda onyń atasy aýǵan áskerı qyzmetkerlerinen hat alǵan, onda qyzǵa «ıslamdyq emes qundylyqtardy» nasıhattaǵany úshin «eń qatań sharalar» qoldanylatyny jazylǵan.
2021 jyly tamyz aıynda Aýǵanstandaǵy bılikti «Talıban» qozǵalysy basyp alǵannan keıin, áıelderdiń quqyqtaryn shekteý boıynsha birqatar qadamdar jasalǵan. Qyrkúıek aıynda ýnıversıtetterdegi stýdentter úshin erejeler ózgertildi: erler men áıelder bólek oqıtyn bolyp, sabaqtarǵa qatań kıim úlgisimen qatysýǵa májbúr boldy.
2022 jyldyń kókteminde radıkaldar 12 jasqa tolmaǵan qyzdarǵa mektepte oqýyn toqtatýǵa buıryq berdi. Jeltoqsannyń ekinshi jartysynda qyzdardyń ýnıversıtetterde oqýyn toqtatý týraly jarlyq shyǵardy, al úsh aı buryn Aýǵanstan ýnıversıtetterinde qabyldaý emtıhandary ótkizilgen jáne oqý oryndaryna myńdaǵan áıelder túsken edi. Sondaı-aq, tálipter aýǵan áıelderine úkimettik emes uıymdarda jumys isteýge tyıym saldy.
