Jıgýlı Daırabaevtyń Merkidegi úıdi zańsyz ıemdengeni jaıly derektiń dáleldengeni habarlandy

4239
Adyrna.kz Telegram

7 maýsymda Jambyl oblysy Turar Rysqulov aýdandyq soty depýtat Jıgýlı Daırabaevty «jerúıdi tartyp aldy» dep aıyptaǵan Saıt Rýzıevtiń aryzyn qanaǵattandyrdy, dep habarlaıdy "Adyrna" ulttyq portaly aikyn.kz-ke silteme kórsete otyryp. 

Buǵan deıin áleýmettik jelide Jambyl oblysyndaǵy Merki aýylynyń turǵyny vıdeo jarııalap, 140 mıllıon teńgelik úıin «Jıgýlı Daırabaev zańsyz tartyp aldy» dep málimdegen bolatyn. Onyń aıtýynsha, Daırabaev sot proesine aralasyp, úıdi óz atyna rásimdegen. Al baspana ujymdyq basqarýda bolǵandyqtan, Daırabaevqa kelisimsiz berilmeýi kerek eken.

stan.kz-tiń habarlaýynsha, aýdandyq sot ókilderi Saıt Rýzıevtiń shaǵymyn qanaǵattandyrǵan:

"Saıt Rýzıevtiń burynǵy áıeli Rýzıeva men depýtat Daırabaev arasyndaǵy satý-satyp alý kelisimshartynyń kúshin joıdy. Sonymen qatar úıdi ortaq múlik dep tanyp, Saıt Rýzıevtiń úlesin zańǵa sáıkes belgiledi, – dep jaýap bergen.

Aýǵan soǵysynyń ardageri Saıt Rýzıev burynǵy áıelimen birneshe jyl boıy sottasyp kelgen. Aıtýynsha, áıel onyń kelisimin almaı, jalǵan qujattar daıyndap, jerúıdi Jıgýlı Daırabaevqa satyp jibergen.

Kóp uzamaı Jıgýlı Daırabaev ózin «jerúıdi tartyp aldy» degen aıyptaýdy joqqa shyǵarǵan edi.  Depýtat notarıýs arqyly jasalǵan kelisimsharttyń zańdy ekenin alǵa tartyp, úı ıeleriniń quqyǵy saqtalǵanyn málimdegen.

Sonymen qatar basylymnyń habarlaýynsha, Jambyl oblysynda turǵyndar májilismen Jıgýlı Daırabaevtyń myńdaǵan gektar jerdi kepilge qoıyp, bankterden mıllıardtaǵan teńge nesıe alǵanyn málimdegen edi. Al depýtattyń ózi nesıe alǵan kompanııada 5 jyl jumys istegenimen, jer máselesine de múlde qatysym bolmady dep otyr.

"Adyrna" ulttyq portaly

Pikirler