Halyqtyń áleýmettik qorǵalmaǵan toptaryna jatatyn 20 otbasyna jańa páterlerdiń kiltterin tapsyrý saltanaty ótti.
Azamattardyń áleýmettik qorǵalmaǵan sanattaryn qoldaý – memlekettik saıasattyń basty basymdyqtarynyń biri. Kóptegen jańa páter ıeleri úshin bul kún jańa ómirdiń bastamasy bolyp tabylady. Biz bul baǵytta jumysty ári qaraı jalǵastyramyz.
Turǵyn úımen qamtamasyz etý jumystary aldaǵy ýaqytta jalǵasatyn bolady. Josparda jańa turǵyn úıler salý jáne halyqtyń ártúrli sanattary úshin qoldaý baǵdarlamalaryn keńeıtý qarastyrylǵan. Máselen, bıyl barlyq qarjylandyrý kózderinen 306,8 myń sharshy metr turǵyn úıdi paıdalanýǵa berý josparlanýda.
Búgingi tańda Óskemende turǵyn úı alýǵa kezekte 11 950 adam tur. Olardyń ishinde – 2 130 jetim jáne ata-anasynyń qamqorlyǵynsyz qalǵan balalar, 1 487 kópbalaly otbasy, 4 666 halyqtyń áleýmettik osal toptarynyń ókilderi, jalǵyz turǵyn úıi apatty dep tanylǵan 121 azamat, sondaı-aq 3 546 memlekettik qyzmetshi men bıýdjet salasynyń qyzmetkerleri.
