Abaıdaǵy iri órt aımaǵynda iz-túzsiz joǵalǵandar sany 15-ke jetti, dep jazady "Adyrna" tilshisi.
«Izdestirýge kómek suraımyz. F 937 ARE. traktor nómiri. Shaqyrý belgisi buǵy 61. Arhıpov Sergeı Nıkolaevıch, 1987 j.t. Men Qashtaqqa (Semeı qalasynyń mańy – jýr. red.) «Semeı Ormanynyń» Dolon bólimshesinen shyqqan órtti sóndirýge bardym, sońǵy ret 9-y kúni habarlastym, kúni búginge deıin ol týraly eshteńe belgisiz. +7 771 582 2159 nómirine qońyraý shalyńyzdarshy», - dep habarlady jergilikti jurtshylyq oo_osa_semey_vko paraqshasynda.
Buǵan deıin órt aımaǵynda 14 adam iz-túzsiz joǵalǵanyn habarlaǵan edik. Olardyń barlyǵynyń denesi tabyldy.
Eske salaıyq, sońǵy málimetter boıynsha, Abaıdaǵy orman órtiniń aýmaǵy 60 myń gektardy qurap, turǵyndar birden birneshe eldi mekennen kóshirildi. Órtten shyqqan tútin Jetisý óńirin basyp úlgerdi.
Oqıǵalardan soń Iýrıı Ilın Tótenshe jaǵdaılar mınıstri qyzmetinen bosatyldy (Tótenshe jaǵdaılar mınıstrliginiń jańa basshysy bolyp Syrym Sháriphanov taǵaıyndaldy), oblys ákimi Abaı Nurlan Uranhaevqa sógis jarııalandy. Qylmystyq is qozǵalyp, ony arnaıy prokýrorlar tergep jatyr.
11 maýsymda prezıdent Qasym-Jomart Toqaev qaıtys bolǵan 14 adamnyń barlyǵyn «Qurmet» ordenimen marapattady. 12 maýsym Qazaqstanda jalpyulttyq aza tutý kúni bolyp jarııalandy.
