Belgili jazýshy Dýlat Isabekov 83 jasynda dúnıeden ótti. Memleket basshysy marqumnyń týystaryna kóńil aıtý jedelhatyn joldady, dep habarlaıdy “Adyrna” ulttyq portaly.
Qaraly habardy Qazaqstan Jazýshylar odaǵy tóraǵasynyń orynbasary Qasymhan Begmanov keshe, 21 aqpan kúni rastaǵan edi.
Osyǵan baılanysty Memleket basshysy Qasym-Jomart Toqaev jazýshynyń otbasy men jaqyn týystaryna kóńil aıtý jedelhatyn jiberdi.
“Dýlat Isabekuly ulaǵatty ǵumyryn ult ádebıetine arnaǵan, taǵylymdy týyndylarymen oqyrman sanasyna shamshyraq bola bilgen naǵyz degdar tulǵa edi.
Halqymyzdyń rýhanı álemin baıytýda, ulttyq prozamyzdyń kókjıegin keńeıtýde aıanbaı ter tógip, ónegeli ómir súrdi. Qýatty qalamynan týǵan súbeli shyǵarmalary, dramalyq eńbekteri álem sahnalaryn baǵyndyryp, dúnıe júzine kıeli sóz ónerimizdi dáriptedi. Sońyna ádebı mol mura qaldyrǵan Dýlat Isabekulynyń jarqyn beınesi men ardaqty esimi halqymyzdyń júreginde máńgi saqtalady. Marqumnyń ımany salamat, jany jánnatta bolsyn”, – delingen jedelhatta.
