Memleket basşysynyŋ tapsyrmasy boiynşa Qosşy qalasyn gazdandyru jūmystary qarqyndy jürıp jatyr. Būl – tūrǧyndar köpten kütken maŋyzdy joba.
Qūrylys jūmystary byltyr mamyr aiynda bastalǧan bolatyn. Gazben qamtu jūmystary kezeŋ-kezeŋmen jüzege asyp jatyr.
Bügın qalany gazben qamtudyŋ bırınşı kezeŋı tolyq aiaqtalyp, 79 köşenıŋ 31 myŋnan astam tūrǧyny kögıldır otynǧa qol jetkızu mümkındıgıne ie bolyp otyr.
Endı osy tūrǧyndardyŋ kez kelgenı «QazaqGaz Aimaq» AQ tarapynan derbes türde tehnikalyq şart alyp, tiıstı qūrylǧylarmen jabdyqtalǧannan keiın gazben qamtylatyn bolady.
Sondai-aq, qalany gazdandyrudyŋ ekınşı kezeŋı 2026 jyldyŋ II toqsanynda aiaqtalyp, 50-den astam köşenınıŋ tūrǧyndaryn qamtidy.
Al üşınşı kezeŋ aiasynda kelesı jyldyŋ III toqsanynda qalanyŋ 11 myŋ tūrǧyny kögıldır otynmen qamtylady.
Gazben qamtu jūmystary tūrǧyndardyŋ tūrmysyn jaqsartyp qana qoimai, elektr men jylu jelılerıne tüsetın jüktemenı azaitady, sondai-aq ortalyq jylu qazandyǧynyŋ jūmysyn jeŋıldetedı.
