Memleket basşysy ūstazdardy merekemen qūttyqtady, dep habarlaidy "Adyrna" ūlttyq portaly Aqordaǧa sıltep.
Prezident Qasym-Jomart Toqaev ūstazdar qauymyn käsıbi merekesımen qūttyqtap, asa jauapty ärı qasterlı mındettı abyroimen atqaryp jürgen pedagogterge alǧys aitty.
"Menıŋ tapsyrmammen "Pedagog märtebesı turaly" arnaiy zaŋ qabyldandy. Būl qūjat ūstazdardyŋ zaŋdy müddesı men qūqyqtaryn qorǧauǧa yqpal ettı. Qazır mūǧalımder men tärbieşılerdıŋ jalaqysy aitarlyqtai köbeidı. Olar negızgı qyzmetıne kedergı keltıretın artyq mındetterden bosatyldy. Osy zaŋǧa säikes "Qazaqstannyŋ eŋbek sıŋırgen ūstazy" ataǧy engızıldı. Būl – jai ataq emes, märtebelı memlekettık nagrada. Onyŋ iegerıne qomaqty syiaqy berıledı. Respublika boiynşa 46 mūǧalım osy nagradaǧa ie boldy. Sondai-aq, qazır ūstazdarǧa akademiialyq därejesıne säikes üstemeaqy tölenıp jatyr. Halyqaralyq olimpiada jüldegerlerın daiyndaǧan mūǧalımderge qarjylai qoldau körsetıledı. Pedagog mamandyǧy boiynşa oqyp jatqan studentterdıŋ şäkırtaqysy 2,5 ese köbeidı. Biyl bolaşaq ūstazdardy daiarlau üşın 16 myŋǧa juyq grant bölındı. Sonyŋ ışınde şamamen 1800 "Altyn belgı" iegerı pedagogika mamandyǧyn taŋdady. Būl – öte jaqsy ürdıs", – dedı Memleket basşysy.Memleket basşysy balany oqytuda tek mūǧalım emes, ata-ana da jauapty ekenın aitty.
"Mūǧalımnıŋ märtebesı qaşanda bärınen biık. Ūly tūlǧalardyŋ özı ūstazynyŋ aldynda şäkırt bolyp qala beredı. Bır sözben aitsaq, barşa jetıstıktıŋ bastauynda ūstaz tūr. Ūlttyŋ bolaşaǧy – ūstazdyŋ qolynda. Menıŋ maqsatym – ūstazdy qoǧamymyzdyŋ basty keiıpkerı retınde därıpteu. Sebebı sızder bala oqytu arqyly keleşektıŋ kırpışın qalaisyzdar. Qazaqstannyŋ damyǧan el boluyna zor üles qosyp jürsızder. Sızderdıŋ tabandy eŋbekterıŋız erekşe qūrmet pen joǧary marapatqa laiyq", – dedı Prezident.Jiyn soŋynda Memleket basşysy bılım beru ısındegı asa üzdık jetıstıkterı jäne Qazaqstan Respublikasyna sıŋırgen airyqşa eŋbegı üşın bır top pedagogke "Qazaqstannyŋ eŋbek sıŋırgen ūstazy" ataǧyn tapsyrdy.
Ūqsas jaŋalyqtar
