17 säuırde Qatar Ämırı şeih Tamim bin Hamad äl-Tani Mäskeuge resmi saparmen keldı, dep habarlaidy "Adyrna" ūlttyq portaly.
Sapar aiasynda Qatar basşysy Resei prezidentı Vladimir Putinmen Ukrainadaǧy soǧys, Taiau Şyǧystaǧy tūraqsyzdyq jäne energetika salasyndaǧy yntymaqtastyq mäselelerın talqylaidy.
Kreml būl saparǧa erekşe män berıp otyr. Resei prezidentınıŋ baspasöz hatşysy Dmitrii Peskovtyŋ aituynşa, ekı el basşylary "bırqatar kürdelı halyqaralyq jäne ekıjaqty mäseleler boiynşa salmaqty ärı mazmūndy äŋgıme ötkızedı". Sondai-aq bırneşe maŋyzdy kelısımderge qol qoiylady dep kütılude.
Qatar būǧan deiın Resei men Ukraina arasyndaǧy şielenıstı diplomatiialyq jolmen şeşuge talpynyp, äsırese soǧys saldarynan ajyrap qalǧan balalardy qaitaru boiynşa deldaldyq röl atqarǧan. Būl joly da Qatar tarapy qaqtyǧysty toqtatu maqsatynda beibıt kelıssözderdı alǧa jyljytuǧa müddelı ekenın bıldırıp otyr.
Qatar syrtqy ıster ministrı Mūhammed äl-Hulaifi TASS agenttıgıne bergen sūhbatynda kezdesude Ukrainadan bölek Siriia men Gaza sektory mäselelerı de qaralatynyn mälımdedı. Sonymen qatar, energetika salasyndaǧy yntymaqtastyq, onyŋ ışınde sūiytylǧan tabiǧi gaz (SPG) saudasy men infraqūrylymy boiynşa bırlesken jobalar talqylanady.
Aita ketu kerek, būl kezdesu älemdık geosaiasi şielenıs aiasynda ötıp jatyr. AQŞ būrynǧy prezidentı Donald Tramp ta Ukrainadaǧy qantögıstı toqtatuǧa qatysty öz josparyn bırneşe ret ūsynǧanymen, naqty nätijege qol jetkıze alǧan joq. Mäskeu jaǧy būl mäselenı şeşu oŋai bolmaitynyn jäne äskeri-saiasi şeşımder ūzaq uaqytty talap etetının aityp keledı.
