foto:kremlin.ru
9 mamyrda Mäskeu qalasynda ötetın Jeŋıs parady qauıpsızdık şaralary küşeitılgen jaǧdaida ūiymdastyrylmaq. Resei bilıgı soŋǧy jyldary alǧaş ret Qyzyl alaŋdaǧy äskeri şeruge auyr bronetehnika men zymyran keşenderı qatyspaitynyn habarlady. Sondai-aq, şeruge keletın qonaqtar tızımınde Ortalyq Aziia memleketterınıŋ basşylary joq, dep habarlaidy “Adyrna” ūlttyq portaly Fergana agenttıgıne sıltep.
Resei tarapy būl şeşımdı «qazırgı jedel ahualmen» tüsındırse, Ukraina men bırqatar batystyq basylymdar ony ukrainalyq dron şabuyldarynan qorǧanu äreketımen bailanystyruda. Soŋǧy ailarda Mäskeu qalasy men oblysynda bırneşe märte ūşqyşsyz apparattarǧa qarsy äue şabuylyna qarsy qorǧanys jüielerı ıske qosylǧany belgılı.
Ukraina prezidentı Vladimir Zelenskii Erevanda ötken Europalyq saiasi qauymdastyq sammitınde Reseidıŋ äskeri tehnikany körsetuden bas tartuyn «älsızdıktıŋ belgısı» dep baǧalady. Onyŋ aituynşa, Kreml Qyzyl alaŋ maŋyndaǧy yqtimal dron şabuyldarynan qauıptenıp otyr.
Al Resei Qorǧanys ministrlıgı merekelık şarany būzuǧa baǧyttalǧan kez kelgen äreketke qataŋ jauap berıletının mälımdedı. Memlekettık duma deputaty Andrei Kolesnik te qauıp tuyndaǧan jaǧdaida jauap «dereu ärı qataŋ» bolatynyn aitty.
Osyǧan bailanysty Kreml 9 mamyr merekesıne qatysatyn şeteldık delegasiialar tızımın jariialady. Alaida tızımde Ortalyq Aziia memleketterı – Qazaqstan, Özbekstan, Qyrǧyzstan, Täjıkstan jäne Türıkmenstan basşylarynyŋ aty atalmaǧan.
Būǧan deiıngı jyldary atalǧan elderdıŋ liderlerı Mäskeudegı Jeŋıs paradyna tūraqty türde qatysyp kelgen edı. Biyl olardyŋ kelmeuı sarapşylar tarapynan aimaqtaǧy saiasi saqtyqpen jäne qauıpsızdık mäselelerımen bailanystyrylyp otyr.
