Aqtóbe oblysynda bastaýysh synyptyń 23 oqýshy ýlanǵan, dep habarlaıdy "Adyrna" ulttyq portaly.
Jaǵa ustatarlyq jaǵdaı 18 aqpan kúni Aqtóbe oblysy Qobda aýdanynyń ortalyǵynda ornalasqan Qobylandy batyr atyndaǵy mektepte bolǵan. Onda 4-synyptyń 23 oqýshysy birinen soń biri qusyp, basy aınalyp, ózderin nashar sezingen. Artynsha oqýshylar túgeldeı aýrýhanaǵa jetkizildi.
Belgili bolǵandaı, sol synyptyń oqýshylary qytaısha jazýy bar táttini ákelip bólip jegen.
«Sol jerde jeti oqýshynyń basy aınalyp, loqsyr, bórtpe paıda bolǵan. Synyptyń basqa balalary ıisten ózderin jaısyz sezingen. Barlyq bala birden aýrýhanaǵa jetkizildi. Qazir jaǵdaılary jaqsy» ,– dedi ishki saıasat bóliminiń basshysy Arman Qabylov.
Qazir Qobda aýdandyq aýrýhanasynda 9 oqýshy emdelip jatyr. Olar taǵy bir kún dárigerdiń baqylaýynda bolady.
«Keshe 23 balany aýdandyq aýrýhanaǵa ákeldi. Qytaıdan shyqqan belgisiz táttini jeti bala jegen, qalǵan balalarǵa ıisi reakııa bergen. Búgin tańerteń oblys ortalyǵynan pedıatr baryp tekserdi. Toǵyz bala búginshe baqylaýda bolady. Qalǵan oqýshylar úılerine jiberildi», - dep málimdedi Aqtóbe oblystyq densaýlyq saqtaý basqarmasy.
Aýdan ákimdiginiń habarlaýynsha, barlyq materıaldar polıııaǵa joldanǵan.
