Batys Qazaqstan oblysynyŋ äkımı Nariman Töreǧaliev Liaonin provinsiiasy partiia komitetınıŋ hatşysy Siui Kunlinmen kezdestı. Qos tarap ekı el köşbasşylarynyŋ basşylyǧymen Qazaqstan men Qytai arasyndaǧy strategiialyq serıktestık pen jan-jaqty yntymaqtastyqtyŋ joǧary deŋgeiın atap öttı. Bügınde öŋıraralyq bailanystar, sonyŋ ışınde sauda-ekonomikalyq jäne mädeni-gumanitarlyq qarym-qatynas jaŋa deŋgeige köterılıp keledı.
Siui Kunlin şaqyrudy qabyl alǧany üşın aimaq basşysyna rizaşylyǧyn bıldırdı. Ol byltyr Sziansu provinsiiasynda bastalǧan ekıjaqty tanystyqtyŋ nätijelı bolǧanyn tılge tiek etıp, būl serıktestık aldaǧy uaqytta tūraqty ärı serpındı jalǧasatynyna senım bıldırdı.
Oblys äkımı Nariman Töreǧaliev Memleket basşysy Qasym-Jomart Toqaevtyŋ tıkelei şeteldık investisiia tartu jäne investisiialyq tartymdylyqty arttyru jönındegı tapsyrmalaryna säikes aimaqta auqymdy jūmystar atqarylǧanyn atap öttı.
- Bügıngı taŋda Batys Qazaqstan oblysy men Qytai Halyq Respublikasynyŋ strategiialyq serıktestıgı beki tüstı. 2025 jyldyŋ qorytyndysy boiynşa bızdıŋ öŋır men Qytai arasyndaǧy syrtqy sauda ainalymynyŋ kölemı 175 mln AQŞ dollaryn qūrady, būl 2024 jylǧy körsetkışten 1,5 ese köp. Sziansu provinsiiasynda Halyq Ükımetınıŋ töraǧasy bolǧanyŋyzda sızben kezdesıp, bırqatar baǧyt boiynşa kelısımderge kelgen edık. Sonyŋ aiasynda naqty jobalar ıske asyrylyp jatyr. Taiau arada Liaonin provinsiiasymen de tūraqty bailanys bekidı degen senım mol, - dedı Nariman Töreǧaliev.
Aimaq basşysy Batys Qazaqstan oblysynyŋ logistikalyq äleuetı men investorlar üşın jasalǧan qolaily jaǧdailardy atap ötıp, bırlesken jobalardy jüzege asyruǧa daiyn ekenın jetkızdı.
